734/2025-2026
Dated Kolasib the 5th June 2025: Vawiin khan Kolasibah UD&PA kaihhruaina hnuaiah Amrut Mitra hmalakna , Women for trees Phase 2 pualin Kolasiba Susan Downs Boarding School , Khuangpuilam ah thing phunna neih a ni a. He hunah hian Kolasib DUDO, Pi Josephine Zonunsangi leh Mari Self Help Group leh Upper Kolasib Self Help group leh Susane Downs Boarding School Headmaster te an tel a ni.
Thingphun pual hian Pi Josephine zonunsangi chuan thutawi sawina hun a hmang a. Women for trees chu vawiina tawp tur a ni lo a ni tiin, nu ho tan a pawimawh pawimawh hle a ni, a ti a. Thingphun chuan an tan hlimna a siam a ni tiin, an kutkawih ngei atanga thing lo to chhuak chuan anmahni ah phurna leh rilru chhungril a lawmna a thlen ngei a beisei a ni, a ti.
He Women For trees campaign hi kumin chhung a kalpui tur a tih a ni a. Vawiin khan thing tiak 60 chuang phun niin, thla ruk chhung SHG te hian an enkawl dawn a ni. Thing phunna hmun hi Susane Downs Boarding school kawt leh DUDO &Staff Quarters, Khuangpuilam bul a ni.
