734/2025-2026

Dated Kolasib the 5th June 2025: Tukin khan Govt Kolasib High School ah nute hming puala thingphun- Ek ped maa ki naam 2.0 chu hman a ni a. He hunah hian Kolasiba sawrkar Delartment aiawhte leh zirlaite leh zirtirtute an kalkhawm a ni.

He hunah hian Pu Robert C Lalhmangaiha, Kolasib DC chuan zirlai kalkhawmte hnenah chuan thu sawiin, Mizoram chu hmangaih tur anni tiin, Khawvel ah mizoram bak ram an neilo a, chu ram,Pathianin a pek , an fate tana an hnutchhiah tur ram awmchhun chu enkawl a duat chu an tihmakmawh ani, a ti. Ek ped maa ki naam 2.0 chungchangah sawiin he program hian nute pawimawhna a rawn tilang thar leh a ni, a ti a. Kalkhawmte chu an nute hmangaihna nen thingtiak phun turin a sawm a ni.

Khuallian chuan world environment day denchhen in plastic ina ram leilung a tihchhiar nasat zia sawi telin, plastic hmang tlem tura an inven thiam a pawimawh a ni, a ti a. “kan ram leilut tihngheh nan leh lui tui bawlhhlawh zel tur ven nan plastic hman tlem chu kan in zir a pawimawh takzet a ni,”a ti. Zirlai te chu zu, ruihhlo leh mipat hmeichhiatna laka inthiarfihlim a,an zirlai te thahnemngai taka zir turin a chah bawk. 

India ram Prime Minister chuan 5th June, 2024 khan World Environment Day pualin ‘Ek Ped Maa Ke Naam’ campaign hi a launch a. He campaign hian leilung-in thilsiam a enkawl dan leh kan nute’n an fate an enkawl dan hi a inmil hle a ni tih a tinzawn a. He campaign hmang hian ram tih chereu leh tihdanglam te, thing tlem vanga ruahtui tlem thei laka inven te, kan ramngawte humhalh a ram pum huap a thing in a bawh chin-green cover tihpun te chu thing phun hmanga hlen tum a ni. 

He Ek ped Maa ke Naam pual hian ram pumah thing tiak crore 10 vel phun tura beisei a ni a. Kolasib ah chuan eco club school tin te ah thing tiak 70 theuh phun tum a ni anga, naupang in a daih loh thung erawh chuan naupang awm zah phun phun a ni ang. Vawiin a hemi puala thusawi tawi neih zawh hian Kolasiba DC,DFO, ADC, PD(DRDO) , EE (PHE), DEO leh sawkar Department aiawha tel thenkhat ten School kawtah thing an phun a ni.