3653/2022-2023
Kolasib dated 22nd February 2023: Vawiin khan DC Conference Hall, Kolasibah Mizoram Bharat Scouts & Guides, Kolasib district-a hruaitute chuan Scouts & Guides Movement bultantu Lord Robert Baden-Powell leh Lady Olave Baden-Powell piancham pualin ‘World Thinking Day’ an hmang a. Pu John LT Sanga, District President leh Deputy Commissioner chuan hun kaihruaiin Scouts leh Guides-te chu khawtlang tan a mi tangkai ni tur a thalaite kaihhruai a pawimawh thu a sawi.

Pu John LT Sanga, District President, Bharat Scouts & Guides, Kolasib district chuan ‘World Thinking Day’ hman tan a nih dan te sawiin khawtlang nuam leh hrisel siam a nih theih nana Scouts & Guides anga kan hmalak tawhnate thlirletna hun tha a nih thu a sawi a. Kan khawtlang tan tangkai zawk a Scouts leh Guides-a kan thalaite an inhman chhunzawm theih nan ruahmanna tha siamna hun remchang a hmang turin kalkhawmte a chah bawk a ni.

‘World Thinking Day’ pual a hun hmanna ah hian school chawlh lai a Scouts leh Guides-te tan Hiking buatsaih dan tur rel a ni a. Hiking chhung hian ram hruaite thlan chhuahna a duhthlanna chanvo, vote thlak pawimawhna SVEEP kaltlanga inzirtirna te, tuihna humhalh kawnga hmalak dan tur inhrilhhriatna leh faina kawnga hmasawnna tur inzirtirna hun Scouts leh Guides-te tan buatsaih dan turte rel a ni a. Annual membership fee bituk zat ennawn a ni bawk.

Attachment

  • Loading attachment...