3682/2024-2025

Dated Kolasib, the 6th January, 2025: Vawiin khan Kolasib DC Conference Hall-ah NH 306 & 06 thawmthat hnathawh kal mek leh chak zawk a hna a kal theih dan tur chungchang sawiho a ni a. He thutkhawmna hi Mizoram Legislative Assembly Deputy Speaker leh Kolasib Bialtu MLA ni bawk Pu Lalfamkima kaihhruaiina hnuaiah thutkhawmna neih a ni.

Deputy Speaker chuan he hunah hian National Highway 306 & 06 siam hna thawh mek chu tha tak a siam a pawimawh thu leh chak taka kalpui a tul thu a sawi a. Thal lai a kawngpui siam zawk a nih theih nan theihtawp in he huna Contractor-te leh NHIDCL hotu lo kalte chu a nawr a. National Highway siam hna an thawh kawngah harsatna an neihte Mizoram Sawrkar hnenah a rang lam thlen zel turin Deputy Speaker chuan a chah bawk. Pu Lalfamkima chuan he huna kalkhawmte chu hnathawh hun (working season) reilote chhunga chak taka hma lak a nih thei nan an ngaihtuahna seng a sawiho turin a sawm nghal bawk.

He hunah hian Kolasib Deputy Commissioner, Pu Robert. C. Lalhmangaiha chuan an thutkhawm chhan sawifiahin National Highway 306 & 06 siam chungchangah vawi tam tak thutkhawm a lo ni tawh a, tun Working Sesssion chhunga kawngpui siam hna chu zawh hman a nih loh chuan Mizoram mipuite’n NHIDCL leh an hnuaia Contractor te, PWD (National Highway) te chu an dem hle dawn a ni a ti a. Chuvang chuan National Highway 306 & 06 siam hna hi a hun taka peih fel a nih theih nan leh fur khaw chhia in a nan hma ngeiin a thawktute chuan chak taka hma la turin a chah a. A tul anga thawktu tam zawk leh hmanrua tam zawk pawh la belh turin a chah a. Zawh fel hun tura an in tiamna March ni 31, 2025 chhung a an zawh hman theih nan theihtawp chhuah turin a chah bawk.

Vawiina thuthkhawmna ah hian NHIDCL leh Contractors te atangin an hmalak tawhna leh hna an kalpui tum zel dan tur ngaihthlakna neih a ni bawk.