3681/2024-2025

Siaha the 6th January 2025: Vawiin khan DC Mini Conference Room, Siaha-ah Final Electoral Roll (1/1/2025 as the qualifying date) tlangzarh inkhawm chu Siaha District DEO, Addl. DC ni bawk Pu Abraham Beirazi Khithie kaihhruaina hnuaiah neih niin e-roll hi a tlangzarh nghal.

Pu Abraham Beirazi Khithie chuan kalkhawmte chu Kumthar chibai a buk a. Election awm loh kumah pawh E-roll buatsaih a ngai reng a, BLO, Party worker te leh NGO te thawhrimna zarah Electoral roll chu felfai taka buatsaih theih a nih thu sawiin lawmthu a hrilh.

Final Electoral Roll tlangzarh inkhawmah hian Political Party aiawhte tel kimin, Pu Abraham Beirazi Khithie leh Pu M Misael, Project Director Siaha DRDO te chuan party aiawhte hnenah Final Electoral Roll copy khat theuh an hlan nghal bawk a ni.

Vawiina tlangzarh tak final roll in a tarlan danin 39-Saiha (ST) AC ah Mipa vote nei 11,756 leh hmeichhia vote nei 12,859 awmin vote nei zawng zawng hi mi 24,615 an ni a, 40-Palak (ST) AC-ah hian Mipa vote nei 10,332 awmin hmeichhe vote nei 10551 an ni a, Vote nei zawng zawng hi mi 20,883 niin 39-Saiha (ST) leh 40-Palak (ST) AC a vote nei zawng zawng belhkhawm hi 45,498 an awm a, E-roll hmasa nen khaikhinin Saiha (ST) ah vote 335 a pungin, hei hi za zel ah 1.38 a ni a, Palak (ST) ah vote hi 405 a pungin, za zelah 1.98 in a pung bawk a ni.

Pu M Misael, Project Director chuan, Vote thun chungchangah Myanmar ram buaina avanga raltlan mekte pawh vote neih tum tam tak an awm theih thu sawiin, chutiang laka fimkhur a tul thu leh Political Party-te leh NGO te pawhin theihtawp a hma lakpui zel turin a chah bawk a ni.