261/2025-2026

Dated Kolasib the 22 April 2025: Vawiin khan Kolasib DC Conference Hall ah District Agriculture Marketing Committee chu an Chairman Pu Robert C Lalhmangaiha, Kolasib DC hovin an thukhawm.

He hunah hian Kolasib DC, Pu Robert C Lalhmangaiha chuan thuhmaruai sawiin, vawiina kalkhawmten an mahni zawn theuhva hna tha taka an thawk zel thei chu a lawmawm hle a ni tiin, an tha thlah lova thawk chhunzawm turin a chah hlawm a . Ram pum huap ang pawh a sawhthing man chu a san mawh em avangin Mizoram pawh a bang bik lova, chuvang chuan a hralh chhuah lamah pawh harsatna an tawh thu sawiin, Sawrkar hmalakna felfai leh hlawhtling taka a kal theih nan District Agriculture Marketing Committee members te chu a lakkhawm te, hralh chhuah leh ruahmanna dang dang siam turin an pawimawh hle a ni, a ti.

Member Secretary, Pu Joseph Lalnuntluanga, DAO Kolasib chuan report pe in, Secondary Collection Center(SCC) hrang hrang atanga report te a pe a. Mizoram Agriculture Marketing Board thuchhuak angin  farmer ten sawhthing hralh thuai thuai an duh tawh avangin sawhthing lei hi a hmalama kalpui a tul thu a sawi a. Vairengte leh Thingdawl a stock dah te vawiin atangin kg an cheng 20 in an a leitute hian phurchhuak tan dawn a ni, a ti. Sawhthing hralh kawnga an harsatna te sawiin, buyers te nen inbiak fel hma a an lo chawh lawk thin avanga  dah rei alo nih thin avangin rihna tlahniam-weight lost a tam hle a ni,a ti a. Heng bakah hian a leitute nen in dawrna chungchanga harsatna awm thin te a tarlang bawk.

Vawiin ahhian thurel tur hrang hrang ngaihtuahho niin; chungte chu Assistant Co ordinator ruat chungchangte, SCC Lungdai tihtawp chungchangte leh Sawhthing chawh hmabak lei tur chungchangte anni.

Thurel zinga Assistant Co Ordinator ruat chungchang chu Co ordinator te an hna a an lo buai chang a awm thin avangin  leh Co Ordinator te chhawk zangkhai turin Assistant Co Ordinator chu ruat tha an ti a. SCC Lungdai tihtawp chungchang ah tihtawp a ngaihchhan te member secretary atanga ngaihthlak niin, kalkhawmten ngun taka an ngaihtuah hnuin SCC Lungdai chu tihtawp a tha an ti. Sawhthing chawh hmabak lei tur chungchangah a leitu turte an awm tawh thu ngaihthlak niin, a rate bituk angin a tul anga kalpui nise tia rel a ni bawk.

Mizoram sawrkar chuan February ni 20 atanga March ni 20,2025 chhung khan sawhthing Kg khatah cheng 50 in a lei a, sawhthing leikhawm sa te chu tender/auction hmangin a hralhchhuak thin a ni. 

Vawiina District Agriculture Marketing Committee thutkhawmna ahhian Kolasiba DAMC members te an kal tha hle a, Aizawl atangin Coordinator te an tel thel bawk a ni.