No.3431/2021-2022

Aizawl the 16th December 2021: Vawiin khan School Education Department leh Science Teacher’s Association of Mizoram (STAM) tangkawp buatsaih District Level Childrens’ Science Congress 2021 chu Kolasib District-ah ”Science for Sustainable living” tih thupui hmangin I&PR Conference Hall-ah hun an hmang a. Pi Zoliani Hnamte, DEO chuan hun kaihruaiin Dr.H.Lalthlangliana, Deputy Commissioner, Kolasib district chua khuallian a ni.

Khuallian Dr. H. Lalthlangliana Deputy Commissioner chuan Science hman tangkaina chuan nitin nun a tihahdam phah thu leh hnathawhna tam tak a tihsawt phah thu tarlangin Kolasib District Level Childrens’ Science Congress chuan zirlaite ah Science subject-a tui tharna a thlen phah ngei a beisei thu a sawi bawk a ni.

Kum 2021 Students Science Congress ah hian High School pathum leh Middle School pahnih atangin zirlai 10 leh Guide Teacher pakhat theuh an tel a ni.

State Level-a inelna a Kolasib District aiawh turin heng School pathumte hi thlanchhuah an ni.
1) Govt. Kolasib High School
2) Govt. Diakkawn High School
3) Presbyterian English School, Kolasib