3010/2024-2025

Dated Kolasib, the 12th November, 2024: Vawiin khan District Level Consultative Committee, Kolasib District chu an Chairman Robert C. Lalhmangaiha, DC Kolasib hovin, Deputy Commissioner Office Chamber-ah an thukhawm a. Meeting ah hian bank hrang hrang hotute leh concern dept. te, NABARD leh RBI aiawh te an tel a ni.

He thutkhawmah hian convener Pu Pc Lalnunpuia, Lead District Manager chuan September 2024 quarter chhunga Kolasib District chhunga bank hrang hrangte hnathawh dan a tarlang a. RBI in CD Ratio benchmark a siam 60% anih laiin, Kolasib district a bank hrang hrang te CD Ratio chu 72.81% a ni tih a sawi a. Chairman , Kolasib DC Pu Robert C Lalhmangaiha chuan hetiang figure tha an nei thei chu lawmawm a tih thu a sawi a. Chutih rualin bank perform tha vak lo te pawh tan la lehzual turin a sawm.

Quarter hmasa aiin September quarter-a deposit leh loan thanna chu 1322.54 lacs leh 11727.30 lacs a ni a. Priority sector advances bikah hian annual target 66.70% achieve tawhin, crop loan bikah 79.98% achieve tawh a ni.

Bairabi leh Rajtali a Banking Correspondence (BC) chungchang sawi niin, Bairabi BC chu a function leh tawh a. Chutih laiin Rajtali-a BC chu a term atawp tawh avangin a thara thlak thuai tura hma la turin a enkawltu MRB Kawnpui branch ngen an ni.

Bank-a security personnel nei lo - Central Bank of India, Bandhan Bank, Punjab National Bank leh Canara Bank te chu security guard dah thuai tura an hotute hnena lo thlen turin tih an ni bawk.