746/2025-2026
Dated Kolasib the 5th June 2025: Vawiin khan Kolasib DC Conference Hall ah Pu Robert C Lalhmangaiha, Kolasib DC kaihhruaina hnuaiah District Task Force on Immunization leh TB Forum te an thukhawm a. He thutkhawmna ahhian an hmalak tawhna te leh hmalak zel dan tur presentation pek na leh thusawina hun hman a ni.
Thutkhawmna kaihruaitu Kolasib DC chuan Health Department te chungah lawmthu sawiin an hmalakna te presentation a an tarlan atangin an fakawm a tih thu a sawi a. An target te an hlenchhuah theih lohna chhan pawh an thatchhiat vang emaw an tan mar loh vang nilovin chhan tha tak tak anih hlawm vang a ni, ati. Vawiina Department dang kalkhawm te leh khawtlang leh YMA aiawha kalkhawmte pawh Health Department hmalakna hrang hrangte chu thlawp a thawhpui theuh turin a sawm nghal a ni.
DC chuan Kolasib District chhunga target acheive lohna chhan pakhat ah Bru Community leh Internally Displaced People te an awm chu pawi a tih thu a sawi a. Heng community te tan hian hei ai nasa zawka tan kan lak angai a ni, tiin, immunization leh hriselna kawnga sawrkar hmalakna hrim hrimah an tel ve vek theih nan keimahni zawn theuhah tan kan lak a ngai takzet a ni, a ti.
Thutkhawmna ahhian District Immunization officer te, TB forum atang te leh Niksha Mitra atang tea report ngaihthlak a ni a. Routine Immunization Performance FIC Infant (FY 2024-25) a a lan danin heng vaccine hrang hrang BCG , OPV, Penta leh Measles Rubella ahte hian naupang a pumpui a vaccine lakim chu za zela 86.62% an ni a. Performance wise coverage report ah ve thung chuan kum hmasa nena Performance Comparison ahhian 2023-24 ah 95.77% niin, 2024-25 ah 95.44% a ni thung. Heng te hi a chhan ber nia sawi chu raltlan a programe a a tira tel, amaherawhchu hun reilo te hnua haw leh thin an awm thin vang a nih ber thu tarlan a ni.
Micro Plan leh VDP chungchang pawh sawi niin, micro planning chu in tina lut chhuaka, beneficiries turte zawnkhawm a, thlatin vaccine pek dan tur, pek na hmun leh pe tur tur leh nu naupai lai thlengin a huam a ni. He Micro Plan leh VDP report ahhian Kolasib DIstrict chu an titha hle tih tarlan a ni bawk. 100 Days TB Campaign , Tuna TB Mukht Bharat Abhiyan nita report pawh ngaihthlak niin, NTEP(TB elimination programme) ah January to March 2025 chhungin khak( spotum) 526 endik a ni a, TB vei mi 56 hmuhchhuah a ni. Heng zingah hian multi drug resistance 4 an tel bawk. Nikhsay Mitra, TB damlo te tana eitur tha( nutrition ) pek chungchang pawh tarlan niin, kum khat ah thla 6 chhung, thla tin cheng 700 zel mi inphal te thawhkhawm atanga chaw tha an leite chu TB veite hnenah pek thin a ni. Report a a lan danin, june thla thleng khan mi 11 ten Nikshay mitra hmang hian tanpuina an dawng a ni.
Dr RK Lalthlamuana, Kolasib Sr CMO in a tarlan danin TB hi India ram pumah 2025 ah umbo tum a ni a. Amaherawhchu 100 days campaign tia hriat thin kha 100 days chiah nilo in, umbo a nih hma chu campaign hi kalpui tura ruahman a ni. TB bakah measles leh rubella hi 2026 ah umbo tum a ni bawk.
Vawiina thutkhawmna ahhian District Task force on immunization leh District TB Forum member te thahnem tak an tel a ni.
