4248/2024-2025

Dated Kolasib the 14th February 2024 : Vawiin khan Kolasib Parish Hall ah Fire Prevention week, 2025 hawnna neih a ni a. He Fire Prevention week hi Pu Robert C Lalhmangaiha, Kolasib DC chuan Khuallian niin a hawng a, Kangmei laka Inven dan tur leh fimkhur na tur hrang hrangte inhrilhhriatna hun hman a ni.

He hunah hian Khuallian chuan thu sawiin , Fire Prevention Week chu Feb ni 10-15 mai ni lovin kum tluanin kan hman a pawimawh a ni, a ti a. Zoram lo chu ram dang kan neilo a, he ram hi kan hmangaih in kan enkawl in kan venghim tur a ni, a ti. Pathianin leilung venhim hi kan mawhphurhna atana a nghah a ni tih theihnghilh lo turin kalkhawmte chu a chah bawk.

DC chuan ramkang avanga harsatna kan tawh te sawiin, sik leh sa leh khawchin thleng in a ti danglam vek thei a ni, a ti a. He kangmei venna hi sawrkar mawhphurhna chauh ni lovin kan zavai atan a ni, tiin, chumi venna atan chuan mitin an pawimawh a ni, a ti.

Pi Jenny Sailo IFS, DFO Kolasib chuan report pe in kumina kangmei ven Hapta chu February Ni 10-15 chhung hian hman mek a nih thu a sawi a. Nikum chhunga kangmei venna chungchang a Kolasib District a an hmalakna te tarlang in Fire Prevention Awareness hrang hrang kalpui in, khaw hrang hrang te nen tangrual in hmalak a ni a, Mizoram pumah Fire Prevention a ti tha ber District an nih theih phah a ni, a ti. Kuminah pawh District Level Fire Prevention Committee te thukhawm leh in Fire Prevention atana hmalakna tur hrang hrang sawiho a ni a, Kangmei Venna chungchang thehdarh te, meikawng sial te , lo hal hun tur bituk(march ni 31 hmalam) te, Kangmei venna kawnga titha khua te lawmman siamsak leh khaw hrang hrang te nen a thawkho a hmalak leh tum a ni,a ti.

Vawiin hun hi Pu Thanliana Hauhnar, ACF Kolasib District chuan a kaihruai a, Zai leh thusawi te ngaihthlak niin, Fire Prevention Week puala thutiam sawi rual na te leh Kangmei Venna kawnga Article inziahsiakna a ti tha zualte lawmman semna hun te hman a ni.

He hunah hian mi thahnem tak kalkhawm in, Forest Department leh Kolasib a Head of Offices te, DIET Kolasib zirlai te, Kolasib Venglai zaipawl te, Khawtlang leh NGO aiawhte leh sawmbik mi pawimawh te an tel a ni. Kumina Fire Prevention Week atana thupui hi,' Kangmei ven hi kan tu leh fa te hmakhua atan a ni' tih a ni.