4249/2024-2025

Dated Serchhip, the 14^th February, 2025: Vawiin khan DC Meeting Hall-ah Serchhip DC Pu Paul L.Khuma, District Election Officer hoin mi pawimawh ten Village Council inthlan thlirletna hun an hmang.

DEO Pu Paul L.Khuma chuan harsatna leh buaina lian tham engmah awm lo a inthlan tluang taka neih a nih avangin lawmawm a tih thu a sawi a. Mawhphurhna nei zawng zawng ten an tih tur tha takin an hlen vek nia a hriat thu sawiin election a duty zawng zawng te chungah lawmthu a sawi a ni. 

Meeting-ah hian DEO in a sawm angin Sector Officer te leh Nodal Officer ten inthlana an thil hmuh leh hriat atanga an zir chhuah te, election a awm leh hun atana thil tha zawk nia an hriat te, mipuiin vote thlak an ngaih pawimawh leh zual theihna tur leh felfai zawka ruahmanna siam theih dan nia an hriat te an sawi a.  An tawn hriat atanga an thil zirchhuah te hi uluk taka vawn that a nih tur thu DEO chuan a sawi a. Election lo la awm leh zel turah mawhphurhna la tu ten tangkai taka an hman theih turin document felfai taka siam a ni ang, a ti.

Vawiin meeting-ah hian Election Officer Pi F.Lalnisai chuan Village Council inthlan atana DEO Office inbuatsaihna te, training an kalpui dan te, sector officer an inruat dan te bakah inthlan ni leh vote chhiar zana hun an hman dan report kim chang takin a pe bawk a ni.

Meeting-ah hian Additional DC leh Deputy DEO ni bawk Pu Lalrinzuala bakah Sector Officer te leh Nodal Officer te an tel a ni.