3947/2024-2025

Dated Kolasib the 24th January 2025: Vawiin khan Diakkawn YMA Hall Kolasibah FOCUS Kolasib in District Level Handover Program an hmang a. He hun hi Pu Robert C Lalhmangaiha, Kolasib DC chuan Khuallian niin a hmanpui a, Focus leh line Department aiawhte leh FIG members thahnem tak an tel a ni.

Khuallian Pu Robert C Lalhmangaiha chuan thu sawiin, FOCUS hmalakna hrang hrangte chu leilung behchhana eizawngtute tan a tangkai takzet a ni, a ti a. Kolasib FOCUS ina an hmalak tawhna te chu fak an phu in an chhuanzawm takzet a ni, tiin DPM Focus leh a thawhpuite chungah lawmthu a sawi bawk. Khuallian chuan Sawrkar in mipuite hmamthatna tur hrang hrang a thawk a, chungte chu diktak leh rinawm taka bawhzui hna chu mipuite kutah a awm a, a thawkrimte chuan an dinchhuahpui thin a ni a ti a, chuvang chuan taima leh rinawm taka thawk turin kalkhawmte chu a chah nghal a ni. Sum khawl thiam leh sum hmanna dik taka hman thiam a tul thu pawh sawiin, sawrkar in hmasawnna tura ruahmanna a siamte chu a nihna ang taka an hman a ngai a ni, a ti.

Pu Lalhmingmuana Deputy Director, Agriculture, FOCUS Mizoram pawhin thu sawiin, FOCUS chuan Central Scheme tamtak  ina a tuam phak loh an cover thu a sawi a. FOCUS  chu a sulsutu anni a amaherawhchu enkawl zuitu tur chu a line department te an nih avangin Focus hna ani ti a en san mai lova theihtawp a tan lak pui turin line Department hotute chu a ngen nghal bawk a ni.

FOCUS hmasa zawk a tawp hnaih tawh avangin Focus chhunzawmna tur buaipui leh mek a thu sawiina, Focus thar tur chu PROSPER ti a thlak tum a ni, a ti a. A hming dang mahse a tum erawh a ngai reng dawn a ni, a ti bawk.

District level handover Program hi FOCUS ina hna a lo thawh tawh hrang hrangte FIG (Farmers interest Group) an hlan chawnna program a ni a. Heng an activities hranghrang atanga Assets an hlan chhawn te hi FIG hian an lo enkawl zui tawh dawn a ni. Vawiin  hun hi Pu Lalremruata Sailo, DPM FOCUS , Kolasib chuan a kaihruaiin FOCUS project a tawp lam an hnaih tawh avanga asset handover program an hmang thei chu lawmawm a tih thu a sawi a. Dr R Zothankima’n Kolasib FOCUS hnathawh dan hrang hrang leh hmachhawpte report pekna a nei a, Pi Agnes Lalrintluangi’n lawmthu sawina a neih zawh in vawiin hun hi tihtawp a ni.