1382/2022-2023
Kolasib dated 27th July 2022: Vawiin chawhnu khan DC Conference Hall, Kolasibah India ram zalenna ni, August ni 15-a Independence Day lawm dan tur relin thutkhawmna neih a ni a. Pu John LT Sanga, Deputy Commissioner chuan thutkhawmna hi kaihruaiin Kolasib district chhunga Office hrang hrang hotute leh NGO hruaitute an tel a ni.

Thutkhawmnain a rel danin Kolasib district-a Independence Day 2022 chu Kolasib Stadium, Project Vengah zing dar 8:00 atanga hman tan tur a ni dawn a. Pu R.Lalzirliana, Minister, Power & Electricity Department chu khuallian ni tur a beisei a ni. High School naupang, NCC, Scout & Guides leh 1st IR Bn. Mualvum atangtein Parade Contingent ruat a ni a, lawmman semchhuahna hun pawh neih nghal tur a rel a ni.

District chhunga Department hrang hrangte chu Independence Day 2022 lawmna tur a inbuatsaihna atan chanvo sem niin thawhhona leh tanrualna tha tak hnuai ah mahni mawhphurhna theuh te hlenchhuak turin Pu John LT Sanga chuan kalkhawmte a ngen a ni.