1152/2025-2026

Kolasib Dated the 11th July, 2025: Vawiin khan UD&PA Office Conference Hall, Diakkawn Kolasibah 'Highway/Kawngsira bawlhhlawh paih' leh 'Adopt a Dustbin' chungchangah Orientation Programme neih a ni.

He hunah hian Pi Josephine Zonunsangi, District Urban Development Officer, Kolasib chuan kalkhawmte hnena lawmthu sawiin an kal khawm chhan a sawifiah a.  Mizoram Khawpui fai inelna chungchanga Driver-te pawimawhzia leh motor kawngpui dunga bawlhhlawh paih thin chu thenfai zel ani thu leh bawlhhlawh paih a awm tawh loh nana Driver-te pawimawhzia  sawifiahna hun a hmang. 

Pu Obeda Lalhuliana, Inspector of Sanitation, DUDO office Kolasib chuan Mizoram Khawpui fai inelnaa tehfung pawimawh tak tak te sawifiahin kalkhawmte nen sawihona neih zuih a ni a. Thusawina neih zawh hian Mizoram Truck Driver Association Sub-Hqrs Kolasib, Kolasib Auto Rickshaw Drivers Union leh Mizoram Taxi Association, Sub Hqrs Kolasib te atangin rawtna hrang hrang ngaihthlak a ni bawk a ni.

He hunah hian Pu Zairemchhunga, Secretary, MJA Kolasib hnen atangin 'Faina Sam' ngaihthlak a ni a. Pu Benjamin Lalhmingsanga District Transport Officer, Pu RK Vanlalruala, I/C Traffic Kolasib, Pu C. Liankunga, Vice President Sub-Hqrs YMA, Pu Andrew VL Auva, President, MJA Kolasib District te hnen atangin thusawih ngaihthlak a nibawk.