3640/2024-2025

Dated Kolasib the 3rd December 2024: Vawiin khan Kolasib DC Conference Hall ah Mizoram State High School Games 2024, Kolasib in an thlen tur chungchangah thuthkhawmna neih  a ni a. He hun hi Kolasib DC Pu Robert C. Lalhmangaiha chuan kaihruaiin Kolasib a Sawrkar Office aiawhte thahnem tak an tel a ni.

Hun kaihruaitu Kolasib DC, Pu Robert C.Lalhmangaiha chuan Hogh School Games chu Mizoram huap tur a nih avangin Education Department mai nilovin Kolasiba Office hrang hrang te pawh kan tan khawm a ngai a ni, a ti a. Heng zingah hian an thlenna hmun tur te, an eileh in tur te, an veivahna tur te, medical te, tui leh electric te leh venhimna lam thlengin a pawimawh em em dawn avangin heng Department changtute hnenah theihtawp chhuahpui turin a ngen a ni.

District Education Officer Pu Vanlalchhana chuan High School Games neih tur chungchanga Report tawi a pe a. Kumin December a Mizoram State High School Games  Kolasiba neih tur ahhian ahhian District 11 atang Naupang 1000 chuang beisei an ni, a ti a. Main event hi Kolasib Stadium ah huaihawt a ni anga, hemi bakah hian Hmar veng Bastball Court te,Tumpui Hall te leh hmun dangte an hman tur thu a sawi. 

High School Games hi Aizawl ah nghah a ni  ṭhin a. Amaherawhchu kum 2019 khan Kolasib ah nghah niin chumi hnuah Champhai,Lunglei leh Serchhip ah te nei a ni a. Nikum khan Aizawl ah neih niin Kumin hi Kolasib in vawi hnih an thlenna tur a ni.