3001/2024-2025

Dated Kolasib the 14 November, 2024 : Khuarel chhiatna lo thleng thei laka hmalak dan tur nunchan zirna 'Mock Drill Exercise' chu vawiin khan Mizoram District pumah State Disaster Management Authority hnuaiah neih a ni a. Kolasib District-ah chuan he Mock Exercise hi Kolasib Deputy Commissioner Pu Robert C. Lalhmangaiha, District Disaster Management Authority Chairman ni bawk kaihhruainain neih a ni.

Mizoram State Disaster Management Authority-in Mizoram State Emergency Operation Centre atangin Mizoram District tina Mock Exercise neih lai hi Live Streaming hmangin zing dar 10:00 atangin a pe chhuak a. Kolasib District-ah chuan he Live Streaming kaltlang hian DC Conference Hall-ah District Disaster Management Authority-ten Mock Exercise neih lai hi thlirin an vil a ni. Kolasib DC Pu Robert C. Lalhmangaiha chuan he hunah kalkhawmte hmaah thusawiin khualrel chhiatna lo thleng thei lakah Mizoram Sawrkar chuan inbuatsaih tha leh ruahmanna fel tak neih a nih theih nan 'Mock Exercise' a nei thin thu sawiin, hei hian a taka rikrum thila chhiatna a lo thlen pawhin chanchuah hna chak taka kalpui a nih theih nan leh inralring taka thawktute an awm theih nan  a nih thu a sawi a ni. 

Kolasiba Mock Exercise neihna ah hian Kolasib Tumpui vengah lirnghing leh inchhim kara mipui himna tur nunchan zirhona neih niin Rengtekawn thlangah; leimin kara chhanchhuahna hna kalpui dan tur leh hmalak ngaite lak dan tur enchhina neih a ni a. Bairabi tlawng luiah; tui tla chhanchhuah hna thawh dan zir hona nunchan neih a ni bakah tui lian lo thleng thei laka hmalak awm thei leh inbuatsaihna kalpui dan tur 'Mock Exercise' neih a ni bawk.

Vawiin a Kolasiba 'Mock Exercise' neih zawh hnu hian; tlai lamah DC Conference Hall-ah a thlirletna hun 'Review Meeting' neih nghal a ni a. Kolasib District Disaster Management Authority Chairman Pu Robert C. Lalhmangaiha chuan 'Mock Exercise' hlawhtling taka kalpui a ni thei chu lawmawm a tih thu a sawi a. Mock Exercise neih zawh taka Department hrang hranga thawktute inbuatsaihna chu a tha in an thawhrimna ah lawmthu a sawi nghal bawk.