4016/2024-2025

Dated Kolasib the 30th January 2025: Vawiin khan Kolasib DC Conference Hall ah Nasha Mukt Bharat Abhiyan Master Volunteer leh Nodal Teachers te tan training buatsaih a ni a. He hun hi Kolasib DC Pu Robert C Lalhmangaiha chuan telpuiin Pi Lalfakawmi, Co Ordinator Mizoram social welfare and rehabilitation board leh Pu Benjamin Laltanpuia, Documentation officer, Mizoram social welfare and rehabilitation board ten zirtirna an pe a ni.

He hunah hian Kolasib DC, Pu Robert C Lalhmangaiha chuan thu sawiin Nasha Mukt Bharat Abhiyan chu ruihhlo atanga zalen India tihna a nih ang takin ruihho atanga zalenna nei turin theihtawpin kan beih a pawimawh a  ni, a ti. Ruihhlo that loh zia sawi chhunzawmin, kan nih tur leh kan thlen theih tur ang chin pawh min thlen tir theilo tu a ni, a ti a. School naupang kalkhawmte chu zu , damdawi leh ruihhlo dang laka inthiarfihlim turin chah a. Pathian in Ama tana nung tura min duh ang taka an nun te hmanga ruihhlo that loh zia thehdarhtu ni zel turin a chah bawk a ni.

Nasha Mukt Bharat Abhiyan hi Ministry of social justice and empowerment hnuaia India rama ruihhlo umbona kawnga hmalakna pawimawh tak a ni a. A tirah District 272 first phase atan an  thlang phawt a, Mizoramah chuan champhai, aizawl leh Kolasib te first phase ahhian an tel a. Nikum khan District 100 belh leh in tun dinhmunah India ram pumah District 372 a huam a ni. District tinah hian DC theuhte chairman anni a, an hmalakna te hemi atana duan bik App ah Upload zel tura tih an ni bawk.

Vawiina Nasha Mukt Bharat Abhiyan puala training ahhian St John High School, Hmar veng High School, Vengthar High School leh CZS High school naupangte leh sawmbik mi pawimawh te an tel a ni.