4017/2024-2025

Saitual, the 30th January, 2025: Vawiin chawhma dar 10:00 am khan DC Conference Hall, Saitualah, District Bawrhsap Dr. Lalngura Tlau kaihhruainain Mizoram State Day pual ‘State Day of Prayer’chu Saitual District-a hman dan tur rel ho a ni.

He thutkhawmah hian Upa Dr. PC Biaksiama, Gen Secretary, State Day of Prayer Committee, chuan thu a sawi a.  Kum hmasaa State Day of Prayer an hman dan te tarlangin, kuminah pawh February ni 20 hian District tina hman tha a tih thu a sawi. Upa Dr. PC Biaksiama chuan nikum lamah chuan sual thupha chawina lam hawia tawngṭai a nih avangin Ninevi Challenge tih a ni a, kuminah chuan ram tihdam lehna 'siamthar lehna' hawi tur a nih avangin Fiji Challenge tih a ni thung dawn a ni, a ti.

He State Day of Prayer thil tum hi Saitual District mipuite chuan a darh zau theih ang berin hria se a duh thu Upa Dr. PC Biaksiama chuan a sawi a, office hrang hranga thuneitute, khawtlang hruaitute leh kohhran hrang hrang atanga hotu lo kalkhawmte chu thawhpuiah sawmin, State Day of Prayer hlawhtling tak hman a nih theih nan theih tawp chhuah turin a chah a ni.

He thutkhawmah hian State Day of Prayer hman dan tur lo duang tur leh ruahhmanna siam turin District State Day of Prayer Committee din rel a ni a, chumi atana hruaitu turte chu hetiang hian ruat an ni:

Chairman: Rev Thangchhuaka 

Vice Chairman: Capt. HS Lalramkinlova, CO, Saitual bialtu 

Secretary: Rev Lalremruata, SDA 

Treasurer: Pi Lalbiaktluangi, President, MHIP Sub Hqtrs 

Adviser: Dr. Lalngura Tlau, DC leh Pu J. Rokima Addl. SP

Vawiin thutkhawm hi District Bawrhsap, Dr. Lalngura Tlau chuan kai hruaiin, Rev PC Biaksiama, Gen Secretary, State Day of Prayer Committee chuan thu a sawi a. Saitual District-a department hrang hranga thuneitute, khawtlang hruaitute leh kohhran hrang hrang hotute an tel a ni.