471/2025-2026

Dated Kolasib the 6th May 2025: Vawiin khan Kolasib  District Level Narco Coordination Centre (NCORD) meeting chu Kolasib DC Conference Hall ah Pu Robert C Lalhmangaiha, Kolasib DC leh NCORD District level Chairman nibawk kaihhruaina hnuaiah neih a ni a. He hunah hian meeting hmasa a an thurel bawhzuina report te leh hmalak zel dan tur pawimawh tak tak sawiho a ni.

Vawiin thutkhawmna ahhian Chairman chuan NCORD pawimawhna leh a hnathawhte a tarlang a. Kalkhawmte chu ruihhlo dona beihpui thlakna ah thawkho a theihtawp a hma la chho zel turin a chah a. YMA in Kumpuan an neih tha taka an bawhzuina ah lawmthu sawiin, ram leh hnam tana an thahnemngaihna chu District Committee chuan a hriatpuia, an hmalakna te bei chhunzawm zel turin a chah bawk. Kolasib District chu Mizoram kawtchhuah a nih angin lirthei lut leh chhuak a thahnem hle a, heng lo lut leh chhuak zinga theknhat chu ruihhlo leh a kaihhnawih phur te an nih thin avangin uluk lehzuala  fimkhur taka hmalak  angai a ni, a ti. Vawiina Police, Excise, Social welfare, Education, Agriculture leh Department dang kalkhawmte leh YMA te chu ruihhlo do na kawnga theihtawp chhuah chhunzawm turin a chah bawk a ni. 

Pu David H lalthangliana, Kolasib SP pawhin report pe in, Kolasib District chhunga Police tena Ruihhlo an man ah leh an hnathawh dan hrang hrangte  a tarlang a. Heng ruihhlo man bakah hian awareness campaign te school leh college ah te an kalpui thin thu a sawi bawk. SP chuan YMA te, a bik takin Kumpuan committee te nen an thawhhona a that thu sawiin, hun lo kal leh zel tura pawh tha taka thawkho zel turin a sawm nghal bawk.

He hunah hian Excise Department pawhin report pe in January 1.2025 atang April ni 17.2025 chhung khan Heroin Gram 379.340 leh Ganja Gram 542.82 te an man tih an tarlang a. Heng bakah hian NDPS Act 1985 hmangin mi 10 man niin, hemi act vek hmang hian case 4 register a ni bawk.

DEF atanga report a a lan danin, 18.12.2024 atanga ni 2.5.2025 chhung khan Metamphetamine Kg 23.43, Zu (IMFL &Beer) litre 2943 man a ni a. Hemi chhung vek hian awareness campaign tum 6 huaihawt niin, mi 660 in an chhim a ni.

Vawiin thutkhawmna ahhian Kumpuan committee aiawhte pawh an Chairman, Commander leh Secretary hovin an tel thei a. An hmalakna hrang hrang tarlangin theihtawpa hma an lak chhunawm zel tur thu an sawi a. Hemi kawngah hian sawrkar pawhin a an hnathawhna atana an mamawh te an hriatpui ve chu an duh takzet a ni, an ti bawk.

Vawiina NCORD thutkhawmna ahhian District Level NCORD member te kim takin an tel thei a ni.