425/2025-2026

Dated Kolasib the 1st May, 2025: Vawiin khan Kolasib DC Conference Hall-ah Pu Robert C Lalhmangaiha, Kolasib DC hovin Pradhan Mantri Awas Yojana (PMAY)-Urban 2.0 beneficiaries screening chungchangah District Comittee Members te an thukhawm.

Vawiin hunah hian Chairman, DC chuan vawiina an thutkhawm chhan chu pawimawh tak a nih thu a sawi a. PMAY 2.0 tura beneficiaries te thlang tur an nihna ah uluk taka an thlan a pawimawh a ni tiin, he scheme hi IAY anih lai atang tawh leh PMAY anih lai atang tawh in mi tamtak in an lo hmang tangkai tawh a, anmahnia pawisa  lo khawlkhawm sa neite phei chuan  in lehlo tha tak te an lo din tawh thin a ni, a ti. Hengte a nih avang hian vawiina an thlanchhuahte chu tha taka enpui a, chu mai piahlamah fuih an ngaih thu sawiin, hlawhtling taka an sum hmuh te tangkai taka hmang tura an guide a pawimawh em em a ni, a ti.

Pu Chinlianmanga, DUDO, UD&PA Kolasib pawh in Pradhan Mantri Awas Yojana (Urban)2.0 chungchang sawi fiah in, vawiin a beneficiary thlan tur an chhawpchhuah te chu Gram Sabha leh Ground level review paltlang tawh te an nih thu a sawi a.PMAY 2.0 launch tharah hian Mizoram pumah beneficiaries 2000 chauh an awm tih tarlangin kolasib ah pawh 95 thlan chhuah tur an ni, a ti.

He PMAY (U) hi pilot project angin Dstrict Headquarters ah kalpui tur a ni a, a hma kha chuan 1.5 lakh central assistance hmuh thin a ni a tunah erawh 2.5 lakh Central atangin leh State sawrkar agangin 25000 an dawng anga, beneficiaries in 62500 a thawh dawn bawk a ni.

A sak hun chhung hi thla 18 tur niin, hetah hian LSC /Pass nei sa anni tur a ni a. Hemi mai bakah hian kum 7 tal an sakna khua turah an cheng tur a ni. An family annual income hi 3 lakh ai tamlo a ni tur a ni a, pucca building nei tawh tan dil a rem lo bawk. Pawisa hi installment a 40:40:20 a pek chhuah tur a ni a, Bank account hi MRB leh SBI ah chauh an thun ang. Pawisa pek chhuah dan hi PFMS system hmanga pek tur a ni.

Vawiin a screening of Prachan Mantri Awas Yojana (PMAY)-Urban 2.0 beneficiaries neihna ahhian District Comittee member te kim takin an tel thei a ni.