424/2025-2026

1st May, 2025 : Vawiin khan ni 3 chhung awh tur National Ayush Mission Conclave chu Lonavala, Pune, Maharashtra ah Union Minister of State - Pu Prataprao Jadhav ho vin neih tan a ni a. He hunah hian kan Health Minister - Pi Lalrinpuii bakah state hrang hrang ayush minister leh officials te an tel a ni.

India ram chhunga Best performing state thlanchhuah zing ami kan nih angin Health Minister Pi Lalrinpuii chuan thu sawiin, Mizoram chu Ayush health programme nasa taka kalpuitu anih thu te, India ram state zinga best performing state anni chu lawmawm atih thu te, Mizoramah Ayush dispensaries din a pawimawh thu te sawiin, hemi atana pawimawh Man power pe turin Central Sawrkar a ngen nghal bawk.

AYUSH department hnuaia hmachhawp hrang hrang te sawiin, nitin Ayush opd bakah peripherral OPD ankal pui chu mipui ten anhlut zia leh chhunzawm zel an tum thu te, mipui ten Ayush damdawi in an pan nasat tawh zia leh OPD/IPD patient an pun zel thu te sawiin, khum 10 awmna Ayush hospital hmun thuma sakna tur DPR cheng Rs.22.50 crore senna tur a thehlut nghal bawk.

He conclave buatsaih a ni hi Minister chuan lawmawm atih thu leh he conclave hian rah tha chhuah ngei se a duh thu a sawi bawk.

He conclave ah Ayush hmachhawp hrang hrang leh health programme hrang hrang kalpui dan tur te bakah lian zawka state hrang hranga Ayush kalpui dan turte zir ho a ni a, Round table discussion hlawk thlak tak neih a ni bawk a ni. Mizoram atangin Health Minister hi Dr.S.Mara Thansiami Deputy Director,Ayush leh Pu Lalduhawma Chhangte State Programme Manager, Ayush ten Minister hi an ṭawiawm a ni.