2481/2024-2025

Dated Kolasib ,the 11th October, 2024: Vawiin chawhma khan DC Conference Hall, Kolasib-ah Right to Information (RTI) week 2024 puala hun hman a ni a, Koalsib Addl DC, Pi B Malsawmtluangi chuan khuallian niin he hun hi a hmanpui. 

He hunah hian khuallian chuan thu sawiin, Right to Information chu mipui sawrkarna sawhnghettu leh langtlang sawrkar, eiruk hlemhletna laka fihlim a nihna  kawnga inkaihhruaina dan bul pui a ni, a ti a. Sawrkar in mipui chanvo leh hamthatna diktak a pek theih nana pawimawh tak a ni a, chumi ti hlawhtling tur chuan kalkhawmte chu anmahni zawn theuh ah an pawimawh takzet a ni, a ti. Pi B Malsawmtluangi chuan Department aiawh SAPIO leh SPIO te chuan an hna ngai pawimawh a Information tha leh rintlak chhawpchhuak tura tan an lak a ngai a , mipui pawh in RTI chungchang an hriat zel na tura hrilhhretu tur anni tih an hriat a pawimawh takzet a ni, a ti.

He hunah hian  Pu H Lalramliana, SDO(Sadar) Kolasib pawh in thu sawiin, RTI chu phurrit a ngai lova, zawhna lo thleng te chhang zat zat thei tura kan in puahchah a ngai a ni, a ti a. RTI zawhna an dawnin zawhna mawlmang a awm thei lova, mipuite hrilhfiah leh tanpui chu an tih makmawh a ni, a ti.

Vawiin atana Resource Person Pu David A Lalhmingchhuana, DIPRO chuan RTI Act 2005 chungchang sawi zauna hun a hmang a, RTI bul lo intan chhoh dan te, Central leh State a an inrem chhoh dan te, Information hrilhfiahna te, SAPIO leh SPIO mawhphurhna te, RTI in a huam chin te leh pawimawh dang te a tarlang a ni.

RTI week puala inkhawm hi H Lalramliana SDO(Sadar) Kolasib in a kaihruai a, Head of Offices te, Kolasiba SAPIO, SPIO, DAA te, khawtlang leh NGO hruaitute an tel a ni. Pi Ngurzampuii Sailo, Superintendent DC office Kolasib chuan lawmthu sawina a neih hnu in vawiin Program hi tihtawp a ni.