Nimin (10.2.2020) chawhnu khan DC Conference Hall-ah Planning & Programme Implementation Department hmalakna in ‘Sensitization Workshop On Sustainable Development Goals (SDGs) For District Line Departments’ buatsaih a ni a, SDG chungchang sawi zauna leh a hnuaia hmachhawp hrang hrang kalpui dan tur zirchianna hun neih a ni.

Workshop hawnna hun hi Pi Sangchhin Chinzah in kaihruaiin hmasawnna kalpui chungchangah kan leilung hausakna nen a inbuk tawk a hmasawnna kalpui thiam a pawimawh thu sawiin kan ram a leilung hausakna awm te renchem a tul thu a sawi bawk.

Pu Lalchhuanawma Hrahsel, Chief consultant in kalkhawm te lawmna thu sawiin Sustainable Development Goals thil tum leh Mizorama SDGs kalpui tawh dan te a tarlang a ni.

Pu C Lalnunmawia leh Pu C Vanlalzawna, Consultant te chuan ‘Concept & Overview of SDGs in Mizoram and Localisation of SDGs’ leh ‘SDGs Indicator: National, State Indicator and District Indicators & Way Forward’ tih thupui hmangin presentation an pe a, 2019 khan tehfung 16 hmanna hnuaiah Mizoram chuan dinhmun 11-na an hauh thu tarlan a ni bawk.