2665/2025-2026

Kolasib, Dated the 15th December, 2025: Vawiin chawhnu a khan Deputy Commissioner Office Conference Hall, Kolasibah Kolasib khawpui huamchhunga vengtin a ui khuarkhirh chungchangah thutkhawmna neih a ni a. Pu H. Lalramliana SDO(S) Kolasib chuan he thutkhawm hi a kaihhruai a ni.

He thutkhawm kaihhruaitu Pu H. Lalramliana chuan Kolasib khawpui huamchhunga ui khuahkhirh kalpui mek a nih thu a tarlang a. Mihringin ran kan ngaihnatber chu ui ani thu a sawi a. Chutihrualin khuahkhirh ngai tak kan ran vulh zing a mi anih thu sawiin, khuahkhirh that loh chuan vantlang mipuite tana hnawksak leh ui seh avanga ramtuileilo a awm theih a nih thu a sawi a. Veng titawp tu leh an zun leh ek in faina kawng thleng harsatna min thlen thei tu a nih thu sawiin khuahkhirh lo chuan vantlang tan a himlo a ni a ti a. Chuvang chuan mipui kan him tlan zel theih na turin ui khuahkhirh hi a tul tak zet a ni, a ti bawk.

He hunah hian hun hmasa lama ui chhuak khuahkhirh dan tur thlirletna hun hman a ni a. Vengtin a VC te leh YMA hruaitute hnen atangin ui chhuak khuahkhirh chungchanga an hmalak dan report ngaihtlak a ni a. Khawlai a ui thahnemtak man a nih tawh thu ngaihtlak niin ui chhuak neitute pawh pawisa chawi tir zel a nih thu tarlan a ni a. Ngawrh leh zual a khawlai a ui chhuah vil zui zel dan sawiho nghal a ni a. A theih chin chinah Police lam te nena a tangkawpin ui chhuak vil zui zel dan tur chungchang sawiho a ni bawk.

He hunah hian sawrkar official te, Kolasib khawpui huamchhunga Village Council memberte leh YMA hruaitute an kalkhawm a ni.