2664/2025-2026

Aizawl, 15th December, 2025 : Indiatourism, North East Regional Office, Guwahati leh Tourism Department, Government of Mizoram tangkawpin a vawikhatna atan Mizoram ah Familiarization Tour an huaihawt a, Assam atangin Tour Operator 29 in nimin 14.12.2025 khan Aizawl an rawn thleng.

Assam atangin tour operator mai bakah Assam regional news leh Kolkata film tourism mithiam te pawh an tel a, R.K Suman Regional Director, North East, Ministry of Tourism in a rawn ho a ni. Tukin khan Tourist Lodge Chaltlang ah Tourism Department officials te kaihhruaina hnuaiah B2B meet- Mizorama tour operators, tour guides leh hoteliers te nen neih pui ni in hun hlawk tawk hman a ni a, chawhnu lamah Aizawl leh a chhehvel an tlawh anga, tlai lamah Winter Festival 2025 an chhim ang.  Ni 18.12.2025 ah an let leh dawn a, an cham chhung hian Thenzawl te tlawhin Mizoram a tourism hmunhma kan neih that te an zir chiang ang a, an let hunah kan tourism service providers te nen tangkawpin mikhual an rawn tir lut dawn a ni. Sairang rail station hawn anih hnu ah mikhual tlawhtu a let in Mizoramah an pung a, Mizo thalaite tam tak tan eizawnna tling a siam chho zel a, Assam state atang hian khualzin an tam leh zual avangin inkungkaihna tha neih a pawimawh chho zel a ni.