Vawiin khan Kolkata Mizo cheng ten Chapchar Kut an hmang a, Kut lawmnaah hian Parliamentary Secretary for School Education, etc. Pu Joseph Lalhimpuia Kut Pa niin he hun hi a hmanpui. 

Pu Joseph Lalhimpuia chuan Kolkata a Mizo awm ten hetianga Mizo Kut pawimawh lawman hun an buatsaih chu an fakawm a ti a. Kolkata chu India rama khawpui lian ber zing a mi, Mizo te zingah pawh kan mi hmasa tam takte lo zir chhuahna a nih thu sawiin, zirna leh sumdawnna kawngah hmun pawimawh ber pakhat a nih reng thu a tarlang a. Chutianga khawpui pawimawh leh Mizoram kawtchhuaha awm an nih avang chuan Parliamentary Secretary chuan thalai kalkhawmte chuan Kolkata-a Mizo awm ten mawhphurhna pawimawh tak an neih thu leh, an nungchangah leh chetzia ah Missionary rilru pu turin a fuih bawk a. Midang tanpui kawngah tanpuina beisei let chunga hma la an awm thin a, hei hi Mizo zia a ni ngai lo a ni, a ti bawk. 

Kolkata Chapchar Kut hi Kolkata Mizo Welfare buatsaihin Ballygunge Mizoram House-ah hman a ni.