Information and Public Relations Minister Pu Lalruatkima chuan Kolkata Mizo Students Freshers’ Social 2019 chu Ni 22.8.2019 (ningani) khan Kolkata Mizoram House, Salt Lake-ah khuallian a ni.

Khuallian Pu Lalruakima chuan Kolkata chu Mizo te tan chuan kawtchhuah a ni, a ti a. Pu Rokunga’n raltiang ram kai a sawi ang khan hetilai hmunah hian zirna sang zawk nei turin theihtawp chhuah a pawimawh a ni, a ti a. Zirlai tan tumna neih hi a pawimawh a, tum neih rikngawt bakah, chu tumna hlen chhuah chu a pawimawh lehzual a ni, tiin a sawi a. Thawhrimna a pawimawh a, thawkrim lo chu Pathian pawh hian mal a sawm ngai lo tih hi zirlai te’n an vawng reng tur a ni, tiin a sawi. Mizo tlawmngaihna leh zonun ze mawi chawinung zel a, Mizo tlawngaihna aia upate zahna thlengin chawi nung tu nih i tum zel bawk ang u, tiin zirlai te a chah bawk a ni.

He hun hi Kolkata Mizo Students President  Malsawmkima’n a kaihruai a, Kolkata a Mizo zirlai kal thar te lawmna thu a sawi nghal bawk a. General Secretary Joshua Lalropuia hnen atangin Kolkata Mizo Students chungchang report ngaihthlak a ni bawk a ni.

Attachment

  • Loading attachment...