Vawiin chawhma car 10:00Am khan Siaha District Disaster Management chuan DC Conference Hall-ah VC leh tlawmngai pawl hrang hrangte tan Training on Basic Disaster Management a buatsaih a, Deputy Commissioner Pu Bhupesh Chaudhary, IAS in khuallian niin a hmanpui bakah  DDMA member-te’n an hmanpui bawk a ni.

He training hi Pu Ngulzathuama, SDC leh Nodal Officer(DM&R),Siaha district ni bawk in kaihruaiin, khuallin Deputy Commissioner chuan khawtlang hruaitute leh tlawmngai pawlte chu an thil zirte hre chiang a, a tul huna hmang nghal thei tura inbuatsaih turin a ngen a, rikrum thil a lo thlen pawha harsatna thlentu ni lovin, mi dangte tanpuitu nih tum zawk turin a ngen hlawm a ni.

Dr. C. Hnichho, CMO leh DDMA member ni bawk pawhin thu a sawi a, VC leh NGO-te chu rikrum thila khawtlang innghahna ni chhunzawm zel tur leh tanpui ngaite tanpui kawngah pawh fimkhur tak leh awmze nei taka pen chhuak zel turin a fuih hlawm.

He training-ah Pu VL Zuithanga, District Organiser, DM&R Department Siaha; in Basic Disaster Management  tih thupui , Pu C. Denis Ngolai, Lecturer, DIET Siaha in Landslide mitigation  tih thupui leh Pu K. Chatlaisa Hlychho, Beino Youth Adventure Club leader  in Basic Search & Reacue tih thupui hmang tein zirtirna an pe a, zau takin an sawi ho bawk a ni.