No.3752/2021-2022

Aizawl the 21st January, 2022: Krishi Vigyan Kendra, Hnahthial chuan kum 2021-2022 chhunga an hmalakna thlirletna leh kum 2022-2023 chhunga Lunglei leh Hnahthial District a loneitute tana an hmalak dan tur ruahmanna neiin vawiin 21.1.2022 hian Lunglei District Scientific Advisory Committee (SAC) chu biak hmuhtheihna (virtual mode) kal tlangin an thu khawm.

He District Advisory Committee thutkhawm neih hi SAC Chairman leh Director, Department of Agriculture, Mizoram ni bawk Pu Rohmingthanga Colney chuan a kaihruai a. Lunglei District KVK i/c Senior Scientist & Head, Pi Zonunkimi Ralte, SMS (Home Science) chuan kum 2021-2022 chhunga KVK hmalakna hrang hrangte leh an hlawhtlinnate Powerpoint Presentation hmangin a entir a ni. KVK Subject Matter Specialist te leh Senior Research Fellow ten an achievement report leh kum 2022-23 chhunga an hmalakna tur te chu SAC member kalkhawmte hnenah Powerpoint Presentation hmanga tarlangin an sawifiah a. SAC memberte nen hian discussion leh advise an inpe nghal bawk a ni.

SAC thutkhawmah hian KVK thawhpui Lunglei District leh Hnahthial District chhunga Department hrang hrang Agriculture Department, Horticulture Department, AH & Vety Department, Soil & Water Conservation Department, Fisheries Department, Social Welfare Department, Minor & Irrigation Department leh Commerce & Industries Department te leh Project Director ATMA Lunglei District, AMFU leh MHIP aiawhte an tel bawk a ni.

Meeting hian lungrual takin Achievement Report 2021-2022 leh Annual Action Plan 2022-23 hi an pawm nghal a, Pi Laltharzuali Kawlni, Programm Assistant (Farm manager) chuan lawmthu sawina neiin thutkhawm hi a khar a ni.