Vawiin khan Krishi Vigyan Kendra (KVK) Kolasib  chuan Mizorama hmeichhe kuthnathawktu hlang inzawmkhawm awmchhun (First women farmers club) Kawnpui Women Farmers Club te hnenah Ar chi tha Rainbow Rooster an pe.  Rainbow Rooster hi ar lian thei tak leh tui hnem thei chi tak a ni a,  Kawnpui women farmers club a ar vulh a eizawngten hmasawna an neih theih nan he program hi buatsaih a ni. 

Senior Scientist and head KVK Kolasib Dr Michelle C. Lallawmkimi in programme a kaihruai a.  Farmers club dang te tana entawn tlak ni turin a fuih bawk a ni. Dr David Malsawmdawngliana Scientist Vety in Ar enkawl dan zirtirna a pe a,  Kawnpui Women Farmers club president Pi Lalbiakdiki'n lawmthu sawiin hun a khar a ni.  He hun hi NABARD District Development Manager Pu JD Traite in a hmanpui bawk a ni.