Vawiin chawhma dar 10:30Am khan I&PR Conference Hall, Council vaih-ah Mizoram State Aids Control Society, Association for Voluntary Blood Donor’s te leh Siaha Blood Bank te bultumin Voluntary Blood Donor Motivators te tan training buatsaih a ni. He training hi Dr C. Lalrosanga, Medical Superintendent in a kaihruai a ni.

Vawiin training-na a Devotion hmanpuitu Pi Ellen Hlychho, Co-ordinator, Social Mission & Development chuan fuihna thu sawiin, ‘Lal Isua’n khawvela rawng a bawl lai khan heng thupui pathum hmangte hian rawngbawlna a kalpui a, Pakhatna-ah Preaching -Pathian thu hrilh leh Pathian thu sawiin rawng a bawl a, pahnihna-ah Teaching - Kan Lal Isua khan a mite hnenah zirtirna hmangin rawng a bawl leh a ni tiin, a tawp berah chuan Healing- Tihdam rawngbawlna kha a nei leh a ni, a ti.  Vawiinah hian tihdam theihna neilo mah ila nunna erawh kan chhanchhuak ve thei a ni tiin, thisen pek hi midangte tana kan thiltih theih ropui ber a ni. Kan vai hian thisen pek i uar zual sauh sauh ang u, tiin vawiin training a telte chu a chah hlawm a ni.

Pu Laltharliana, AVBD chuan kumin January atanga July thla thlenga Siaha District Collection of Blood dinhmun tlangpui report pein, Januay thla chhungin thisen pe 30 an awm a, February-ah 109, March-ah 42, April-ah 59, May-ah 69, June-ah 109 leh July thla-ah mi 104 te hnen atangin thisen Unit 522 dawn a ni. Hengte hi Voluntary atangin Unit 362, Replacement atangin Unit 160 te a ni. Kumin chhunga Kohhran hrang hrang heng Presbytarian KTP; Meisavaih Presbytarian; IKK, New Siaha; SAY, Siaha; Presbytarian Tuipang Pastor bial; LIKBK, Siaha Pastor bial; TKP(Baptist) West bial te hian Thisen mamawhte tan phal takin an pe a ni. Anni bakah hian LIKBK, Bualpui ‘NG’ Pastor bialte hnen atangin Unit 36, New Laty Joint MTP te hne atangin Unit 27 bakah Govt. Saiha College, Siaha te chuan an Rising Day pualin Thisen Unit 54 pein, Govt. High School zirlaite pawhin thisen hi an lo pe tawh bawk a ni.

Vawiin Training chhawng hnihna-ah hian Pi Lalhmingliani Pachuau chuan ‘Blood Safety Programme & Scenario on VBD’ tih thupui hmangin zirtirna a pe a, “Donor Screening and Donation Criteria, Myths & Misconcepts’ tih thupui hmangin Dr. Sangzuala, DD(Blood Safety) MSACS pawhin zirtirna hun a hmang bawk. Pu Lalrinkima, General Secretary, AVBD, Aizawl pawhin ‘Concept of Voluntary Blood Donation’ tih thupui hmangin thu sawina hun a hmang a, Pu Lalnunnema, President,  AVBD,  Aizawl chuan ‘Blood Donor Motivation Techniques & Blood Donation Calendar’ tih hmangin kalkhawmte zirtirna hun hmangin, ‘Healthy Life Style for Blood Donation’ tih thupui hmangin Dr Sangzuala, DD (Blood Safety) MSACS pawhin zirtirna hun a hmang a ni. Vawiin Training naah hian huangzau taka sawihona leh zirhona hunte hman a nih hnuah Pu C. Lalhranga, AVBD, Siaha chuan lawmthu sawina hun hmangin he training hi a titawp ta a ni.