Vawiin khan D.C Conference Hall Mamit-ah Pi Lalbiaksangi District Bawrhsap hovin mipui vantlang ten kum 2016 Krismas leh Kum 2017 kumthar hlim tak leh boruak muanawm tak hnuaia kan hman theih dan tur ngaihtuahin thutkhawm a ni.

Meeting hian kum 2016 Krismas leh 2017 kumthar vuakvet ah mipui vantlang ten thlamuang tak leh hlim taka kan hman theih nan khawpui chhung YMA Branch hrang hrang ten an mahni huam chhung theuhah duty na hmun siam ni se tih a ni a, hemi kawngah hian venhimna lama thawktu police te nen a theih ang anga in rawn tlangin hma lo la se tih a ni.

Pu Abhishek Dhania S.P Mamit chuan kum.2016 Krismas leh 2017 kumthara dan leh thupek kenkawh dan tur leh hmalak dan tura ruahmanna awm te meetingah hian a tarlang bawk.

Kum 2016 krismas leh 2017 kumthar vuakvetah hian Mamit District chhungah halpuah, halmawi leh puakthei lam chi reng reng leh naupang silai, a mu nei chi reng reng lakluh leh zawrh khap tlat a ni a, dan bawhchhia an awm leh awm loh thlithlai dan tur leh hmalak dan tur meetingah hian sawi ho a ni bawk.

Vawiin meeting-ah sorkar officials, tlawmngai pawl aiawh leh khawtlang hruaitu aiawh te an tel a ni.