2430/2022-2023

Lunglei DC Pu Kulothungan A chuan a hnuaia tarlan angin thupek dated 22nd October, 2022 khan a chhuah a ni.

Hunpui kan hman thin Krismas leh Kumthar kan lo thleng leh dawn ta a. He hun hi Lunglei District mipuite'n dam leh hlim taka kan hman theuh theihna'n, boruak thianghlim lo leh bengchheng siam thei halmawi leh halpuah te, kangmei chhuah palh thei Sky Lantern te, mihring leh thildang tan a in hliam phah theih silai lem (a mu kap chhuak thel chi) te hi khap ngei tulin ka hria a.

Chuvangin, kei, Kulothungan A, IAS, District Magistrate & Deputy Commissioner, Lunglei District hian CrPC 1973 section 144 in thuneihna min pek angin a hnuaia ami ang hian Thupek ka chhuah e:

Lunglei District chhungah halpuah, halmawi, sky lantern leh silai lem (a mu kap chhuak thei chi) te lak luh, zawrh leh hal, hralh leh hman khap tlat a ni. He thupek bawhchhia chu IPC Section 188 hnualah hrem theih a ni ang. Thupek hi tihtawi a nih loh chuan, puan anih atanga thla hnih (2 months) chhung hman tur a ni ang.

He thupek hi vawiin 22nd October, 2022 hian Court Seal chhu-in hming ka ziah hnan e.