2958/2023-2024
Aizawl, 06.12.2023: Aizawl SP chuan Mipui hriattirna a hnuai ami ang hian a chhuah:
Mipui te kan him tlan theih nan leh Christmas leh Kumthar hlim taka kan hman theih nan Christmas leh Kumthar vuakvet ah halpuah leh silai lem a mu kap chhuak thei te khapna thupek District Magistrate in a chhuah thin a ni a. Heng khapna thupek te hi mipui tam zawk in kan zawm that viau laiin mi thenkhat khapna thupek zawm lova dan bawhchhia an awm thin a. Chutianga dan bawhchhetu te lakah chuan a theih ang chin chin ah Mizoram Police chuan hma la in hrem an nih theih nan an lakah case siam thin a ni.
Nikum 2022 Christmas leh kumin 2023 Kumthar vuakvet ah khan khapna thupek zawm loh chungchang ah section 188 IPC hnuai ah case 11 register niin heng case kaihhnawih ah hian mi 14 man an ni a. Heng mi te hi Court in thiamloh chantir in hrem nan pawisa a chawi tir a ni.
Sawrkar in thupek a chhuah zawm loh avang hian awlsam te a thubuai neih theih a ni a, harsatna tam tak min siam thei a ni. Chuvangin Aizawl District Police te chuan mitin ten Christmas leh Kumthar him leh dam taka kan hman theih nan Sawrkar in khapna thupek a chhuah te zawm theuh turin mipui te a ngen a ni.
Khap anih hun chhunga halpuah leh silai lem a mu kap chhuak thei te hal/hmang emaw kawl emaw kan hmu anih chuan a hnuaia phone number kan tarlan ah hian Whatsapp in thlalak leh video te thawn turin mipui te kan ngen a ni.
Aizawl PS. - 8794747291
Bawngkawn PS - 8794747292
Vaivakawn PS - 8794747293
Kulikawn PS - 8794747294
Zonuam OP - 8794747295
