2959/2023-2024

LUNGLEI; the 6th December,2023: Vawiin chawhnu dar 1:00Pm khan Lunglei district bawrhsap Pi Ramdinliani kaihhruaina hnuaiah;Lunglei District chhunga boruak muanawm tak leh boruak thianghlim tak hnuaia krismas leh Kumthar kan hman theih nan; Superintendent of police, tlawmngai pawl hrang hrang hruaitute,Lunglei town area chhunga veng hrang hranga Local Council Chairman te leh concerned department-a Head of office te nen meeting neih a ni.

Vawiin meeting-ah hian kan hma lawka Krismas leh Kumthar vuak veta Lunglei district chhunga Law& Order kenkawh dan tur rel niin, Halpuah,Halmawi,Silai lem mu(pellet) nei chi, Sky Lantern (Zopa rocket) zawrh leh hman khap chungchang te,Zu leh Ruihhlo check dan tur te, No Vehicle zone siam chungchang te,Vengtina Tlawmngai pawl leh Police duty dan tur te, veng chhung lunlai leh kawn chei tura ngenna siam chungchang te leh Krismas thilpek chungchang te khunkhan taka rel a ni a, mawhphurhna chanvo hrang hrang pawh insem nghal a ni a. District Magistrate leh SP office office lamin Krismas leh kumthar vuak veta Khapna/Hriattirna thuchhuah tul zawng zawng te chu an bawhzui nghal dawn a ni.