1756/2024-2025

Lawngtlai, dated 27th  August, 2024: Kuhva rah tawlh ruk chungchangah Lawngtlai District Bawrhsap chuan hetiang hian thu a chhuah:

Lawngtlai District chhungah kuhva rah tawlh ruk, dan lova phurh luh a lo tawp theih nan thupek hmanhmawh taka chhuah a tulin ka hria a.

Chuvangin, kei, CHEEMALA SIVA GOPAL REDDY ,IAS , DISTRICT MAGISTRATE, LAWNGTLAI DISTRICT chuan Bharatiya Nagarik Suraksha Sanhita (BNSS), 2023 Section 163-nain thuneihna min pek angin, a hnuaia thupek hi ka chhuah e.

1. Lawngtlai District chhungah kuhva rah tawlh ruk dan lova phurh luh khap tlat a ni.

2. Lawngtlai District chhungah kuhva rah tawlh ruk dan lova phurtute hnen atangin danin a phut ang ni lo pawisa lak khap tlat a ni.

3. Lawngtlai District chhungah kuhva rah tawlh ruk dah khawlna tur Kudam sak khap tlat a ni.

He thupek zawm lote chu Section 233,  Bharatiya Nyaya Sanhita (BNS), 2023, hmanga hrem an ni ang.

He thupek hian Lawngtlai District pum a huam ang a, thu leh awm hma chu tihchhuah a nih atanga thla hnih (2)  chhung a huam ang.

He thupek hi vawiin Date 22/08/2024 hian District Magistrate Seal-a nemnghetin ka hming ka ziah hnan e."