1757/2024-2025

Dated Saitual, the 27th Aug 2024 : Vawiin khan District Level Committee on Swachhata Green Leaf vawi 1-na chu Saitual Bawrhsap Dr Lalngura Tlau, Committee Chairman ni bawk hovin DC Conference Room-ah an thukhawm.

He programme hi Department of Drinking water and Sanitation leh Ministry of Tourism tangkawpin Travel For Life campaign-na hnuaia hmalakna thar a ni a, he hunah hian Swachhata Green Leaf chungchang inhrilhfiahna leh district chhunga khualzinte hahchawlhna (hospitality facility) hrang hrang .i.e hotel, resort, homestay, Lodge etc. thlenna fai leh thianghlim zawk a lo awm theih nana hmalakna niin chumi chungchanga orientation training neihdan turte, star ratings pek dan turte sawiho a ni.  

Chairman Dr Lalngura Tlau chuan kalkhawmte hnenah faina kawngah hma kan sawn zel nana hetiang programme a awm hi lawmawm a tih thu leh district level-ah hlawhtling taka hmalak a nih chuan keimahni tan vek a a ni a ti a, chutianga hma la a theihtawp chhuah tur chuan kalkhawmte a sawm nghal bawk.

Swachhata Green Leaf Rating System kalpui dan tur hi thuang thumin then a ni a, a hmasa berah chuan Orientation Phase niin SBM-G team leh Tourism Department-te ṭangkawpin Saitual district chhung a hospitality facilities ho thlang chhuakin list an siam ang a, chung thlan chhuahte chu workshop neih pui a, kaihhruaina kalphung leh zia rang inhrilhhriatna hun neih tur a ni. Pahnihna chu Voluntary Declaration Phase niin endikna tur a tehkhawng duan hmangin mahni in tehna (self rating an nei ang a,chu Rating chu current certification status (CCS) atan an chhinchhiah ang. A tichiang turin thlalak leh video telin submit tur an lo ruahman fel bawk ang. Pathumna chu Verification Phase  niin  District Committee lamin CSS chu Verification Sub-Committee te hnenah hlan chhawngin, chung video/photo an thehluhte chu endikna an neih mai piah lamah site verification an nei bawk ang. Chung survey report atanga an rating hmuh chu hospitality entity-te chuan an rating certificate te chu an sumdawnna hmunah tarin, an sumdawnna branding atan an hmang nghal thei bawk dawn a ni.

He thutkhawmnaah hian Swachhata Green Leaf Verification Sub-Committee siam nghal niin Saitual leh Ngopa Sub-Division ah te then a ni a, Saitual Sub- Division chairman ah Pu Lalthakima Chhangte (SDO Sadar),  Member Secretary atan Pu Lalzuala, Sub-Divisional Officer, PHED, Saitual niin member atan, Assistant Tourism Officer, I/C Tourist Lodge Chaltlang, Aizawl District, Chairman, Jt. Village Council, Saitual Town leh President, Sub-Headquarter MHIP, Saitual ruat an ni.

Vawiin thutkhawmnaah hian  Pi Zonuntluangi, PD, DRDO, Pu Lalthakima Chhangte, SDO (Sadar), Pu Lalzuala, Sub-Divisional Engineer, PHED,  Representative of Asst Tourism Officer, i/c Tourist Lodge, Chaltlang, District Co-Ordinator,SBM-G,Saitual Watson Divison  bakah President, District Village Council Association, YMA Sub-Headquarters leh MHIP Sub-Hqtrs Saitual te an tel thei a ni.