Thiante u,
India ram Republic Day vawi 63-na kan lawmna ni ah hian vawiina lo kal khawmte leh Mizoram mipui te chibai ka buk che u a, duhsakna sang ber ka hlan a che u. January 26 hi kan ram tan ni chhinchhiah tlak, rorelna dik leh intluk tlanna thurin behchhan a, India ram tundin a a lo awmna Ni a ni a.
Vawiin ah hiankanram zalenna sualtu te leh ram hruaitu hmasa tekanhre reng a; mahni inphat a, an inpekna hlu tak azarah ram ropui tak leh Danpui hmathlir zau leh huapzokanlo nei thei a. Chumi hnuaiah chuan mimal tin zahawmna leh zalenna humhalh sakakanlo awm hi a lawmawm tak meuh va ni. He hun pawimawh tak hikanrama remna leh muanna boruak venghim tur lehkanin unauna tinghet tura inhlan thar leh nan hmang ila ka duh tak meuh va.Kanram Danpuiin a kenkawh tlat, mipui rorelna ramkannihna ziarang hlutna leh thatna te hi vawnghim a, tichak a, chhawm nung zelturinvawiin ah hian i intiam thar leh ang u.
Ram hmasawnna atan muanna boruakkanmamawh a. Hemi kawngah hian hneh taka dan leh thupek kengkawhtute kan neih bakah NGO te, kohhran leh an hnuaia pawl hrang hrang te, thuthar thehdarh tute leh mipui ten ram ralmuang ber kan nih zel theihna tura dan leh thupek kengkawngtu te an tawiawm reng hi a vanneih thlak tak meuh va ni. Hetih rual hian lungrual leh in- ngeih tlang takakankhawsak hona boruak tichhe thei leh min thendarh theitu thil chi hrang hrang lakakaninven fimkhur reng erawh a tul hle a ni. Vanneih thlak takin kum 2011 Krismas leh Kumthar Mizoram ah ka hmang ve thei hlauh a; buaina lian tham tawk lova heng hunpui tekanhmang zo thei kha lawmawm ka ti hle a ni. Hmanni lawkah ABCI mi leh sa, Mizoram-a hnathawk mi 2 te chu rukbo an ni a; anmahni chhan chhuak tura kan beih dan leh, a rubotu te kut atanga kan chhanchhuah dan ngaihtuahin he ram muanna boruak venghim tura kan inpek zia a lang chiang hle in ka hria. Ministry of Home Affairs hnuaia Crime & Criminal Tracking Network and System Scheme tanpuina hmangin Mizoram Police hnathawh chu computer hmanga tih changtlun a ni ta a. Mizoram chu he ruahmanna ti puitling hmasa tu niin India rama a hmahruaitu state a ni thei hi chhuanawm ka ti a; vawiin ah hian ka tarlang duh a ni. Tin, kum 2006-a Supreme Court thuchhuak angin Mizoram Police Act 2010 chu tunah hian hman a lo ni tawh a; pawi khawihna hrang hrang tuartu (crime victim)te zangna dawmna turin Mizoram Victim Compensation Scheme pawh duan a ni tawh bawk.
Vawiin Ni pawimawh takah hian Mizoram sorkar-in mipuite tana hmathlir a neihte leh a hnathawh langsar deuh deuhte han tarlang ila.
1. Mizoram sorkar chuan ram leilungkanhman dan thlak danglam turineizawnna nghet buatsaih a, hma thar lak a tul zia a hria a, nikum January 14 khan New Land Use Policy chu a lo kalpui tan ta a. Ei leh bara kan ram dinhmun siam thatna tur leh mirethei te chawikanna tura duan, NLUP chuan nghawng a nei tan mek a ni. Awmze neia ruahmanna felfai tak kalpui a nih theih nan ram leilung hman tangkaina tur ruahmanna chipchiar tak duan a ni a. NLUP hnuaiah hian eizawnna peng hrang hrang atan chhungkaw 45,139 thlan chhuah an ni a. A thawh khatna akanthil tawn-hriat atangin hna vil dan tur chungchang ah te, a dawngtute zirtirna pek dan tur leh an hmanraw mamawh chhawp sak dan tur ah te tha zawka he ruahmanna kalpui dan tur hmuh belh zel a ni a. He ruahmanna tha tak leh a thil tum ti hlawhtling tur hian NLUP dawngtu zawng zawngte chu anmahni eizawnna thlan theuh vah rinawmna leh tumruhna nen, taima taka thawkturinka ngen a ni.
2. Ei leh bara ram hmasawnna hnukpui chu lo neih leh a zawmpui hna peng hrang hrang hmasawnna nen a in thlun zawm tlat a. Loneitute leh hnathawktu te hmasawnna tel lovin Mizoram hi ram nuamsa a ni tak tak thei ngai dawn lo va ni. Mizoram sorkar chuan kawng hrang hrangin loneitute hamthatna a ngaihtuah sak a. Khawl leh lo neihna hmanrua te man tlawm te in loneitute hnenah sem chhuah a ni a. Loneitute chu leilet siam uar turin fuih an ni.
Sorkar-in a tum ber chu zawi zawia tlangram lo neih bansan hret hret a, huan nghet a thlak thleng a ni a. Kum 2010-2011 chhung khan tlangram lo neihna hmun hi za zela 36% vel in a tla hniam a; 11 Five Year Plan tir lama 44,947 hectare atangin hemi kum chhung hian 28,735 hectare ah a tla hniam hman a ni. Hetianga tlangram lo neihna hmun a zim sawt na chhan hi Watershed Development Programme for Shifting Cultivation Areas (WDPSCA), Oil Palm Development Programme leh Sugarcane Cultivation Programme te kalpui vang a ni ber. Ser tam thin ven nan Horticulture Centre, Chite-ah Citrus Scion Bank buatsaih a ni a, tun thla chhung hian peih fel beisei a ni. He hmun atang hian natna hrik laka fihlim, ser tiak kawlawm sem chhuah thin a ni dawn a; hei hian ser tam avanga Mizoram-in harsatna a tawh thin chu a sutkian ngei beisei a ni. Thar chhuah a pun deuh deuh theih nan kut hnathawktu te chu kawng hrang hranga chhawmdawl leh tanpui an ni a. Thlai chin dan leh enkawl dan tha zawk te kawh hmuh an niin training leh enchhinna te neihpui an nih bakah thlai chi tha leh thlai tiak te ngaihtuah sak an ni. Mizoram sorkar chuan thlai chawmna tura tuikawng siam, Minor Irrigation scheme a ngai pawimawh em em a. Hemi hnuaiah hian agriculture kawng laih, tui khawlna siam leh tui kawng sial te, tui paihna siam leh leilet hmun tih rualrem hna te thawh a ni a. Tunah hian ram hectare 15,589 a zau tuam tur Minor Irrigation Schemes 390 thawh zawh a ni tawh a ni.
3. Ram dinhmun chawikang turin thil siam chhuahna, Industires lamah hma kan lak a tul a. Hmun hrang hrang ah Industries tih hmasawnna tur hmunhma buatsaih a niin Zuangtui-ah Industrial Estate, Lengte ah Export Promotion Industrial Park te din a ni a. Luangmual-a Industrial Growth Centre leh Pukpui-a Integrated Infrastructure Development Centre (IIDC) te chu thil siam chhuahna industry lama eizawnna rintlak kan din chhoh theih na turin hun rei vak lovah mimal hma lakna atan hawh chhuah tir tum a ni.
India ram mau zawng zawng hi semrualin za zela 14% zet thawhtu state kan nih angin industry a hma kan lakna tur pawimawh tak pakhat chu mau sawngbawlna lam hi a ni a. Mau hmanga thil siam chhuah hralhna market than ruala deh chhuah tipung turin hemi lama tuimi leh hma lak tum te tan programme bengvar thlak tak tak te buatsaih a niin tunlai thiamna hman tangkai dan inzirtirna te neih a ni.
4. Ka sorkar chuan mipuite tha tichakturinzirna a ngai pawimawh em em a. Zirna tha leh ziak leh chhiar thiam hi ram hmasawnna a mipuite tel theihna kawng a ni a. Ziak leh chhiar inzirtirna beihpui chu district 3 - Lawngtlai, Lunglei leh Mamit ah te hlawhtling taka neih a ni a. Hetianga hmalakna avang hian Mizoram-a ziak leh chhiar thiam awm zat chua za zelah 2.78% laiin kan pun phah a. Mizoram-a ziak leh chhiar thiam zawm zat hi mi za zelah 91.58 % kan lo ni ta a ni. Tin, Central Jail Aizawl chuan Indira Gandhi National Open University nena tangrualin mitang te tan a thlawna zirna a buatsaih sak a. Mi 60 te chu a thlawnin Bachelor Preparatory Programme (BPP) admission pek an nih bakah tang zinga ziak leh chhiar thiamlo te chu ziak leh chhiar zirtir an ni bawk.
5. Mizoram hian khualzinte mitla tur ram leilung mawina leh duhawmna a ngah em em a. Adventure tourism tiamin ka sorkar chuan tourism tih hmasawn nan kawng hrang hrangin hma a la a. Nikum November 29 leh 30 khan Serchhip ah leh Brigade Field ah te Paragliding festival hmasa ber chu hlawhtling taka neih a ni a. Bung Picnic Spot a State Institute of Hotel Management (SIHM) sak mek chu zawh tep a ni a. Khualzinte intihlimna hmun kan neih ah te thupui chi hrang hrang hmangin Kut hlimawm tak tak buatsaih thin a ni bawk.
6. Industry hmasawn nan leh mihring nunphung chawikan nan Power & Electricitykanmamawh a. Ka sorkar chuan 12 MW Serlui ‘B’ Small Hydel Project (SHP) chu asiamzo tawh a. A tui khawhthla danna kharkhep duhthu sam tawk lo lai chu siam that veleh hawn theih a ni tawh a. 216MW Tuivai Hydro Electric Project (HEP) chu Department of Economic Affairs, Ministry of Finance hnuaia Viability GAP Funding (VGF) hmangin Public Private Partnership (PPP)a thawh turin ruahman a ni a. 815 MW Lungreng Hydro Electric Project (HEP)bakah 635 MW Chhimtuipui Hydro Electric Project(HEP) leh 76 MW Mat Hydro Electric Project (HEP) thawh na turin NEEPCO nen inbiak remna thuthlung ziah fel a ni tawh bawk a. 460MW Kaladan Phase-II Hydro Electric Project (HEP) Lawngtlai kianga mi chu tun atanga kum 6 leh a chanve ah thawh zawh tur a ni bawk a. Heng bakah hian Tuirini leh Tuivawl Hydro Electric Projects (HEPs) te chu State Hydro Electric Power Policy angin midang hnenah Build, Own, Operate and Transfer (BOOT) dungzuiin hlan chhawn a ni ta bawk.
7. Hmasawnna atan inkal pawhna kawng tha kan mamawh a. India sorkar Look East Policy hnuaiah Myanmar leh Mizoram tuipui kawng a thlun zawmna tur, Kaladan Multi Modal Transit Transport Project chu kum 2014 hian peih hman tura ruahman a ni a. Bilkhawthlir atanga Bairabi inkar National Highway 154 chu double lane a zauh turin lei laih hna thawh zawh a ni tawh a. Kawnpui leh Aizawl inkar National Highway 54 zauh hna pawh chak taka kalpui mek a ni a. Tut leh Tlawng luiah a ruala motor pahnih tlan theihna tur Lei dawh mek te chu nakum May thla khian zawh beisei a ni. Pradhan Mantri Gram Sadak Yojana (PMGSY) hnuaiah state chhung inkal pawhna kawngpui te tuai hnum leh chei that hna kalpui mek zel a ni. Hemi rual hian hmaswnna ruhrel pawimawh dang te pawh ngaihthah a ni lova. Chanakyapuri,New Delhi-a Mizoram House sak hna chu chak taka kalpui leh sak zawh thuai tur a ni a. New Town Kolkota a Mizoram House sak hna pawh chak taka kalpui mek a ni bawk.
8. Mihring thiamna tih pun leh hman tlaka chherna tur kawng dap hi sorkar-in a ngai pawimawh hle a. Champhai, Kolasib, Lawngtlai, Mamit, Saiha leh Serchhip ah te Polytechnic Institutes din tum a ni.Luangmual-ahMizoramLawCollegebuilding sak mek a ni a. College building awm sa te pawh tih changtlun chhoh mek zel an ni a. Mualpuia Rajiv Gandhi Sports Stadium sak mek chu chak taka chhunzawm zel a ni. Aizawl leh Champhai-a Indoor Stadium sak mek te pawh zawh tep a ni tawhin Zobawk-ahStateSportsAcademysak thuai tum a ni bawk.
9. Ei leh bara kan ram dinhmun chawikanna kawngah Co-operative Societies te pawhin an thawh hlawk hle a. Ram chhungah nitin chakkhai kan tlakchham loh nan leh, thil man pung chak lutuk tur ven kawngah te hian Mizoram State Cooperative Marketing and Consumers Federation Ltd.(MIZOFED) leh Primary Consumer Co-operatives te an tangkai hle a ni. Mizoram Cooperative Milk Producers Union Ltd(MULCO) leh Primary Milk Cooperatives 35 ten bawnghnute leh bawnghnute atanga thil siam chhuahin mipuite min chawm bakah bawnghnutea eizawngtu ten heng atang hian hlawkna an tel mek a ni.
Mizoram State Transport Bus hmangin ram chhung hmun kilkhawr zawka chengte tan awlsam leh man tlawm zawka zin veivahna remchang sorkar-in a siam sak chhunzawm reng a. Mipuiin an chhawr tangkai bakah zin veivahna a mipui mamawh phuhruk nan bus thar eng emaw zat lei belh a ni. Basic Services to Urban Poor (BSUP) scheme hnuaiah Chite, Lawipu, Rangvamual leh Durtlang ah te mirethei zual leh chenna in neilo te tan housing project 4 hmangin mirethei in tur sak mek a ni a. Hei hian khawpui a cheng mirethei chhungkaw 1,096 te a khung leng thei dawn a ni. Hei bakah hian Integrated Housing and Slum Development Programme hnuaiah Lunglei, Saiha, Champhai I&II, Kolasib I&II, Serchhip leh Mamit ah te in 1950 sakna tur project 8 chu sorkar laipuiin min pawmpui tawhin a thawhna tur sum pawh min rawn pe tawh a. 13th Finance Commission hnuaia grants for Urban Local Bodies chu Aizawl khawpui chhung enkawlna hna hrang hrang, bawlhlawh sawngbawlna, tui supply, thlanmual enkawl, tuihawk luankawr siam nan leh in sak khuahkhirhna dan kenkawh hna thawh nan te Aizawl Municipal Council kutah hlan a ni tawh a. Aizawl Municipal Council chu mawhphurhna tam zawk nen mahnia ro rel theia thuam chak chhoh mek a ni.
10. Thingtlang khua zawng zawng ah leh khawpui ah tui thianghlim hnianghnara pe thei turin sorkar-in nasa takin tan a la a. Ruahmanna hrang hrang - Greater Lawngtlai Water Supply Scheme, Greater Saitual Water Supply Scheme, Greater Hnahthial Water Supply SCheme, Tuipang Water Supply Scheme, Bilkhawthlir Watrer Supply Scheme, Bairabi Water Supply Scheme, West Phaileng Water Supply Scheme, South Khawbung Water Supply Scheme, Lower Sakawrdai Water Supply Scheme, Sangau Water Supply Scheme, Phuaibuang Water Supply Scheme, Bualpui Ng & Lungzarhtum Water Supply Scheme, Lengpui Town & Airport Water Supply Scheme te thawh a ni a. Heng bakah hian Rural Water Supply Scheme hmangin thingtlang khaw 109 tuam chhuah tum a ni.
11. Hriselna lama inenkawlna tih changtlun sorkar-in a ngai pawimawh em em a. National Vector Borne Diseases Congtrol Programme (NVBDCP) hnuaiah district 8 tuam chhuakin Health Sub-centres 93 ah damdawia chiah thosilen 80,000 pek chhuah a ni a. Health Sub-Centres 4 sak belh mek a ni bawk. Nu leh naute hriselna enkawl tur leh hriselna lama thawktu te leh mipui inkara thawhhona tha siam turin Accredited Social Health Activists (ASHA) 943 training pek an niin damlo enkawlna hmanrua nen thuam an ni a. Hmanraw changkang zawk nei turin nasa taka tan lak a ni a. Aizawl Civil Hospital-ah Computerised Topography Automatic Scan (C.T. Scan) thar dah thuai tum a ni. Hemi rual hian TB Control Progaramme leh National Rural Health Mission (NRHM) hnuaia project hrang hrang te state pumah hlawhtling traka kalpui a ni a. Autonomous District Council 3 te pawhin nasa takin hma an sawn a. Mizoram sorkar-in heng Autonomous District Council area te mamawh leh a bika an harsatna te a hria a, a ngaihven em em a ni. Rualkhai taka ram hmasawnna kalpuiturinthingtlang lam hmasawnna ngaih pawimawh a tul a. Rural Development Department hnuaiah Centrally Sponsored Schemes hrang hrang te ngawrh taka kalpui chhunzawm zel a ni.
12. A tawp berah chuankanNGO zawng zawng te, Kohhran, thalai leh mipui tenkanram hmasawnna atan leh muanna boruak vawnghim tura in thawhna avangin vawiin ah hian in zavaia chungah lawmthu ka sawi a. In tawiawmna azar ah ka sorkar chuan a hmathlir leh thil tum te a takin a hlen chhuak thei ang tih ka ring tlat a. Mizo hnam nuna bet rinawmna, aia upa zahna leh tlawmngaihna nen hnam nunze mawi chhawm nung a, Mizo nihna humhalh tlat chungin India ram hmun zau zawka chengte nen zai khatah lungrual takin kan luang za thei ang tih ka ring a. Vawiin ah hian he ram ropui tak a chengte inpumkhatna leh in unauna tinghet a, Mizoram hi mitin hlim tak leh thlamuang taka kan chen theihna rama siam turin kan zavaiin i inhlan thar leh theuh vang u. Ka lawm e.
JAI HIND
