Kumin Krismas hunpui leh Kum Thar lo thleng tur duhawm takah hian kei leh ka nupui chuan Mizoram mipui zawng zawng chibai bukin duhsakna kanhlan e.

Pathianin a Fapa neih chhun Isua Krista khawvela a tirh ni a nih avangin khawvel pumpuia Kristiante tan he ni hi a pawimawh tak zet a. Kristian te tan chuan he hun hian inpumkhatna, remna, beiseina leh hlimna a entir a ni. Khawvel hmun dang te ang bawkin he hunpui lo thleng tur hmuakin Mizoram pawh nasa takin a inpuahchah a, induhsaktawnna leh hlimna in mitin thinlung a luahkhat a ni.


Ka seilenna Kerala State pawh khu ram chhung State dang te ang bawka sakhaw zalenna hmun niin hlim leh phur takin Krismas hi an hmang ve thin a. Sakhaw hrang pawh sawi lovin mitinin hlim leh lawm takin he ni hi an hmangho thin a ni. Kei leh ka nupui tan chuan kumin Krismas hi Mizoramakanhman vawikhatna tur a ni a, rilru a phur tak chungin he hun lo thleng tur hi nghakhlel takinkanthlir a ni.


He hunpui lawmawm tak kanhman mek lai hian Krismas thuchah, “remna leh duhsakna” van Angel ten an puanchhuah kha hrereng ila. Mizoramah hian Krismas hi a nihna ang takin midangte hmangaihna, remna, duhsakna leh thilphalna thinlung nen kanhmang ngei ang tih ka ring tlat a ni.

Khuanu thilsiam mawi tak takin Mizoram hi a luahkhat a. A leilung, tlangmawi tak, sik leh sa duhawm tak te hi khualzin te hipna leh a kaihhnawih sumdawnna thanlenna atan chuan duhthusam a ni. Ziak leh chhiar thiam tamna, mikhual te chunga thatchhuah thiam chenna Mizoram hi khualzin te tan tlawh chakawm tak a ni a. Hnam lam chi hrang hrang mawi tak tak te leh Kut hlimawm tak kan hman thin te hi kan chawi lar thiam a nih chuan ram chhung mai ni lo, ram pawn atangin khualzin thahnem tak kan hip thei ngei ang.

Mizoram hian theihna inthup haichhuah tur tam tak a nei a. Mipui mimir te eizawnna tlanglawn chu lo neih leh thlai thar anih angin sorkar chuan Science thiamna hmanga thlaichi tha leh lei tha zawk a hman dan te, thlai thar chhuah hlawk zawka hralhna tur siam sak te a pawimawhzia hriain nasa takin  tan a la a. Thingtlang khuate tana hmasawnna tluantling thlen thei tur New Land Use Policy (NLUP) pawh chak takin a kalpui mek a. Amaherawhchu he hmalakna hlawhtlinnna tur chuan a dawngtu mipui te leh a kaihhnawih Department te tanrualna a pawimawh hle a. NLUP hlawhtlin nan phur tak leh taima taka thawk theuh turin ka ngen che u a ni.


Kumin hian Mizoram chuan Mizoram Peace Accord ziak ni champhaphak vawi 25-na a lawm a.Indiasorkar leh Mizo National Front inkara June ni 30, 1986 a ziak he Peace Accord hi rampuma remna thuthlung nghet leh hlawhtling ber a la ni reng a ni. Remna leh muanna vawng tlattu Mizo te hi ka fak a, remna tel lovin hmasawnna a thleng theilo a ni.


Mizoram kohhran te leh tlawmngai pawl engemawzatin mipui mimir khawsakphung chawikang tura sorkarin hmasawnna hna a thawh mek te an thlawp tlat avang leh hriselna kawngah zau taka zirtirna an pek thin avangin an chungah lawmthu ka sawi a ni.



 Rampum huapa thlir pawhin sum leh pai dinhmun siamthat kawngah hmakan sawn hle a. Sorkar laipui chuan a khua leh tuite hamthatna leh hmasawnna rualkhai taka pek hi a duhthusam a ni. Hlemhletna lehkan inpumkhatna ti derthawng thei thil reng reng te hikan do tlat tur a ni.


Kumthar duhawm tak lo thleng turah hian he ram inpumkhatna leh ropuinaturinkanrilru isiamthar leh ang u.



Krismas leh Kumthar chibai in zain ka buk a che u. 


 Ka lawm e.