Vawiin khan Aizawl District Bawrhsap Pu R.Lalramnghaka hovin sawrkar department pawimawh ten kumin India Republic Day lawmna tur chungchang an sawi hova. Mizoram sawrkar, General Administration Department (GAD) in kaihhruaina a siam angin kumin Republic Day lawmna hi nikum 2020 Independence Day lawmna dungzuiin parade leh school naupang tel lova neih turin ruahman a ni a. Sawrkar hnathawk pawh Joint Secretary chin chunglam te sawm an ni ang a. January 26 ah hian zing ni chhuah rualin sawrkar department building zawng zawngah leh mimal inah te a tam thei ang berin Republic Day lawm nan India Hnam Puanzar zar chhuah ni se, tiin vawiina Aizawl District Bawrhsap hova thu khawm chuan sawrkar department te leh mipuite an ngen a ni.