No.7119/2020-2021 

Vawiin khan DC Conference Hall, Mamit-ah Dr Lalrozama, IAS District Bawrhsap hovin India Republic Day 2021 lawm dan tur rela thutkhawm a ni.

Vawiin thutkhawmah hian India Republic Day, January ni 26 hi Sawrkar thuchhuak angin mi sawmbikte nen DC Complex-ah hman nise tih a ni a. Chawhma dar 10-ah Dr. Lalrozama, IAS District Bawrhsap chuan hnam puanzar a pawtpharh ang. India Republic Day lawmna atan hian Mamit khawpui chhunga Sawrkar Office hrang hrangah zing ni chhuah atangin India hnam puanzar zar vek nise tih a ni a. He ni lawmna puala inbuatsaihna atan hian Sawrkar Department hrang hrangte mawhphurhna in pek nghal a ni bawk.

Republic Day 2021 pual hian DC Bangla-ah At Home buatsaih a ni ang a, a remchan dan a zirin Mamit District Hospital leh Home hrang hrangte khuallian hian a tlawh kual ang.