No.7118/2020-2021 

Tun Krismas leh Kumthar vuakvetah Prison Department hnuaia Jail hrang hrangte chuan mimal, Kohhran leh pawl hmingin a bungrua ang zawng leh a pawisa faiin thilpek tam tak an dawng a. Heng thilpek petute hnenah hian Prison Department chuan thinlung takin lawmthu a sawi a Heng mi chanhai zawk, thenkhatah phei chuan khawtlangin lo insenghawi rih se a tihte tana mi inphalte thilpek avang hian Prison Department thiltum ber, tangte nun insiam thatna leh an lo chhuah hunah pawh khawtlang tana mi tangkai zawk an lo nih theihna tur kawng zau leh zuala a inhawn phah ngei Prison Department chuan a beisei takzet a, thilpek petute zawng zawng Lalpa’n a let tam takin rul che u rawh se.

Tun Krismas leh Kumthar vuakveta Mizoram chhunga Jail hrang hrangte thilpek dawn dan tlangpui chu hetiang hi a ni:

Central Jail (Mipa), Aizawl  -Rs. 1,00,000/-

Central Jail (Hmeichhia), Aizawl -Rs. 9,000/- bakah mawza & shawl

District Jail, Aizawl -Rs. 40,000/-

District Jail, Lunglei -Rs. 42,000/-

District Jail, Siaha -Rs. 37,200/- bakah Jacket second hand bale leh Bible leh hlabu

District Jail, Kolasib -Rs. 44,000/- leh bawng lu

District Jail, Champhai -Rs. 1,11,500/- bakah vawk note 2, vawksa kg 35, samtawk kg 30, antam tel 30, insect killer case 1, rice cake 100, sangha tin bur 50, sangha pack 150

District Jail, Lawngtlai -Rs. 34,500/-

District Jail, Serchhip -Rs. 20,000/- bakah thawmhnaw rambo polythene 2

District Jail, Mamit -Rs. 25,000/- bakah arsa kg 22

Pawisa faia pek hi a vaia belhkhawm Rs. 4,63,200/- (Nuaih li, sing ruk, sang thum leh za hnih) lai a ni a, Champhai District Jail-a pawisa fai petu zingah hian hming thup Rs. 10,000/- pe a awm bawk.