Vawiin chawhnu dar 1 khan NLUP Conference Hall ah Mizoram kuthnathawktu tha thlan chhuahna atana Committee siam thar te,NIB Official leh Lines Department te an thukhawm.
He inkhawm hi Pu P.L. Thanga, Vice Chairman NIB chuan kaihruaiin kut hnathawk tha thlangtu tur Committee Chairman leh Secretary te chuan NIB Office chung, NLUP Confernce Hall sirah January 2013 thlenga an hnathawhna tur room an luah tan tawh dawn thu puangin, he meeting ang hi a leh pek atang chuan a Committee Chairman in a kaihhruai tawh tur thu a sawi.
Committee Chairman thar tur Pu Rualzakhuma chuan Mizoram kut hnathawktu tha thlanna chu felfai leh dik taka thlang turin member-te nen tan an lak tur thu a sawi.
Village Level, District Level leh State Level Committee ruat a ni a,Village Level ah pawh YMA, MHIP leh MUP te chu member ah dah nise tih an rel bawk.
Dr. James, Secretary, State Level kut hnathawk tha thlangtu Committee in thlan dan tur a rawn duan chhuahte chu thlirho a ni.
