Vawiin khan School Education Department tirh Mizoram School Karate Team 58th National School Games, 2012 Indore (M.P)-ah ni 30th October - 4th November, 2012 chhunga neih a tel te lawmna hun hman a ni.

Hemi lawmna inkhawm hi Pu J.H. Biakmawia, Joint Director of School Education in kaihruaiin Director Pu P. Lalchhuanga’n Medal leh Certificate hlanna hun a hmang. Manager Pu J. Laldawngliana hnen atangin Report ngaihthlak a ni a. State 15 atangin player te an rawn tel thu leh an nau te a tel zawng zawngin Medal an lak vek avangin lawmthu a sawi.

Director chuan Education chu all round development a ni a. Infiamna chi hrang hrang te pawh hi a huap vek a, Karate-a Medal in la thei ang hian, in zirlai pangngai ah pawh hmasawnna in neih ngei ka beisei in, ka chah duh che u a ni, tiin a sawi.

Pu R. Thanga, President, AMKA; Pu C. Dosavunga, vice President, AMKA leh Pu F. Zokima, Physical Education Officer leh midang ten thu an sawi a. Department Officer-te an tel tha hle.