Vawiin chawhma dar 11 : 00 khan Laila Hall, College Veng Siaha-ah “Kuthnathawktute Ni (Farmers’ Day)-2016” chu hlawhtling taka hman a ni.

He Ni hmanna inkhawm hi Pu N.Chakhai, Additional Deputy Commissiner, Siaha District, Siaha chuan a kaihruaia, kalkhawmte lawmna thu leh he Ni hman anih chhan leh hman anih dan te sawihawnna tawi a neih hnuah; K.T.P. Siaha Vaihpi zaipawl ten Opening Song an sa a. Saiha District chhunga NLUP Line Department hrang hrang te hnathawh leh Beneficieries te hlawhtlin tawhna khaihkhawmna thu Chairman chuan a sawilang nghal bawk a. Siahatla M.T.P. Branch Cultural Troupe ten hnamlam hmuhnawm tak an entir hnuah he Ni hmanna a Khuallian Pu Hiphei, Hon’ble Speaker, Mizoram Legislative Assembly chuan thu sawiin, Speaker chuan Mizoram sawrkar in kuthnathawka eizawnna a ngaihpawimawh ber thu sawiin January Ni 14 pawh hi “Kut hhnathawktute Ni” vuah in Ni pawimawh takah a puan thu a sawi a, he Ni pawimawh hmanpui tur hian District tinah Minister leh Parliamentary Secretary te pawh tirhchhuah an ni tiin, Nikum September Ni 26 a UN General Assembly UN Hqrs New York khawpui a “UN Development Goal 2030” Pope in ropui taka a puan tak nen khan Mizoram sawrkarin NLUP a kalpui hi a inzul hle a ni, a ti.

Kuthnathawktute Ni hmanna ah hian Pu R.Lalrinawma, Hon’ble Deputy Speaker, Mizoram Legislative Assembly pawhin thu sawiin , Sawrkar hian Eizawnna hrang hrangah Kuthnathawha eizawnna hi a ngai pawimawh ber a, Sawrkar zar pawh zo ber se tih hi sawrkar rilru a ni mek laiin Department hotu thenkhatin NLUP sawiselna tawngkam an chhuah thin tih te a lo hriat hian; NLUP kal tlanga sawrkarin Mipuite rawng a bawlna hlutthiam loh leh mipuite zah lohva a ngaih a thu a sawilang bawk. He Ni hmanna-ah hian NLUP Line Department pahnih Agriculture leh Fisheries Department hnuaia NLUP dawngtu te hnenah NLUP tanpuina pawisa Khuallian, Khualzahawm bakah Pu N.Zakhai, E.M. (Education) MADC, CEM i/c nibawk leh Pu R.Lalrinawma, Hon’ble Deputy Speaker thiannu ten NLUP tanpuina an sem nghal a ni.

Dr Chawngkhuma Chawngthu, President, AMFU, Saiha District pawhin thusawina a nei bawk. Programme karlakah zaithiam tak tak te zai ngaihthlak a ni a, Pi TT Beikhaizi, Sub-Deputy Commissioner, Saiha chuan lawmthu sawina neiin he programme hi a titawp ta a ni.