Vawiin khan LAD Conference Hall, Mamit-ah Kut Hnathawktute Ni hman a ni a, District Bawrhsap Pu K. Lalthawmmmawia District Bawrhsap in khuallian niin a hmanpui.

Kuthnathawktute Ni hmanna hun Pu C. Lalsangluaia SDO (Sadar) kaihhruaiah hian khuallian Pu K. Lalthawmmawia chuan thusawiin chawpchilh taka buatsaih a ni chunga ngai pawimawha kal khawm te chungah lawmthu a sawi a, Mizoram a mi cheng tam zawkte hi kuthnathawktute kan ni a, dinhmun nghelnget taka kan din loh chuan ram hmasawnna a rualkhai thei thin lo a ni.Kut hnathawktute dinhmun nghelngeh nan NLUP din a ni a, Mamit District chhung atangin Mizoram pum huapa titha an awm thu tarlangin a lawmawm hle a ni a ti. NLUP Line Department te an Beneficiaries te theihtawp chhuaha tanpui turin a chah bawk a ni.

Mamit District ah hian NLUP Line Department pariat awmin vawiin hian Department 7 in an hmalak dante an sawi a ni. Mamit District a NLUP sem tawh dan Agriculture Department hnuaiah Trade 4 awmin Benefiaciaries 1967 an awm a, 1st Phase sem zawh tawh niin 2nd, 3rd, leh 4th phase te sem mek zel a la ni. Horticulture Department hnuaiah hian 1st phase ah Beneficiaries 1120 awmin, 2 nd phase-ah 1346 an awm a, 3rd phase buaipui chhoh mek zel a ni.

AH&Vety Department hnuaiah Trade 4 awmin 1st Phase ah hian Benefiaciaries 815 awmin Rs 770,27,299/- semchhuah tawh a ni a, 2nd phase-ah beneficiaries 979 awmin Rs 319,26,100/- semchhuah a ni a, 3rd phase-ah mi 676 leh 4th phase ah Beneficiaries 410 awmin buaipui mek zel a ni.

Soil & Water Conservation hnuaiah Trade 3 awmin 1st Phase ah 381 an awm a, Rs 328,80,500/- semchhuah a ni a, 2nd phase ah Beneficiaries 321 awmin Rs 267,55,060/- semchhuah a ni a. 3rd phase ah benefiaries 167 leh 4th phase ah beneficiaries 68 awmin a, semchhuah hna kalpui mek zel a ni. Hmunphiah hi 896.09 qtl leh coffee 220 qtl tharchhuah tawh a ni.

Fisheries Department hnuaiah hian 1st phase ah beneficiries 261 leh 2nd phase ah beneficiaries 206 awmin a sem hna zawh tawh a ni a. 3rd phase ah hian beneficiaries 100 leh 4th phase ah beneficiaries 43 awmin a sem hna thawh mek zel a ni.

Environment & Forest Department hnuaiah 1st phase ah Beneficiaries 61 awmin beneficiaries pakhatah Rs 88,585/- theuh semchhuah niin 2nd phase ah Beneficiaries 71 an awm a, Rs 87,760/- theuh a semchhuah a ni a, 3rd phase ah Beneficiaries 9 leh 4th phase ah beneficiaries 4 awmin semchhuah hna thawh mek zel a ni.

Sericulture Department hnuaiah 1st phase-ah beneficiaries 70 leh 2nd phase ah beneficiaries 34 awmin sem zawh tawh a ni a, 3rd phase ah beneficiaries 9 leh 4th phase ah beneficiaries 4 awmin hmalak mek a ni.