1478/2023-2024

Kar kalta August Ni 10 - 12 chhung khan Agriclulture Minister Pu C. Lalrinsanga chuan Kuthnathawktute hmasawn zel dan tur sawipuiin sawrkar laipuia hotu pawimawhte a kawm.

August ni 10, 2023 (ningani) khan Pu Sangte a hian Union Minister of State, Agriculture changtu Pu Kailash Choudhury chu a chenna inah a hmu a, Mizoram mamawh hrang hrangte a sawi pui. Mizorama KVK thar dinna turah pawh EFC report engkim peih fel a nih tawh thu leh Cabinet approval nghah mek a ni tih Union Minister hian a lo hrilh a ni.

Hemi chungchangah vek hian Agriculture Minister Pu C. Lalrinsanga chuan ICAR Agriculture Extension DDG Dr AK Singh hmu zui nghalin, Cabinet approval an hmuh veleh a ranglama bawhzui a nih tur thu Minister Pu Sangtea hi a lo hrilh bawk a ni.

Zoram mamawh hrang hrang thlena Delhi tlanga fehchhuak Minister Pu Sangtea chuan Central sawrkar hotu pawimawhte inkawmkhawmna a neihpui a, he hunah hian hotu lian tak tak Agriculture Secretary Manoj Ahuja bakah Joint Secretary te pawh an tel a ni.

He hunah hian ATMA in harsatna an tawh mekte pawh sawi lan a ni a, hnathawkte hlawh te pawh sanction nghal a nih thu sawi lan a ni.

Heng bakah hian zirtawpni (August ni 11, 2023 ) khan Minister Pu Sangtea chuan Union Power Secretary Pu Pankaj Agarwal a hmu bawk a, nizung chakna (solar power) hmanga khawpui tih hmasawnna te sawiho niin, Ministry of New and Renewable Energy hnuaia PM Kusum, solar water pump khawl hmanga kuthnathawktu ten awlsam zawk a tui an lak theihna tur scheme chungchanga harsatna awmte hrilh nghalin, Union Secretary hian a rang lama chinfel a nih tur thu leh kuthnathawktuten a rang lama solar water pump an neih theihna tura Ministry lamin tihfel ngai tlem an la neihte chu a rang lama tifel vat turin Miniter Pu C.Lalrinsanga chuan a ngen nghal bawk a ni.