Nimin July ni 7, 2015 khan NASC Complex, PUSA Campus, New Delhi-a 'National Seminar-cum-Exhibition' neihah KVK Hnahthial, Lunglei District chuan Mizoram mai ni lo hmarchhak bial pum aiawhin an tel ve a. KVK Hnahthial hian Mizoramah chauh awm thin Mizo thlai chi (indegenous variety) te phochhuakin rampum KVK zingah lawmman pathumna an la a ni.

Mizoram sorkara Directorate of Agriculture (R&E) tirhin KVK Hnahthial te hi an Programme Coordinator Dr.Lalmuanzovi hovin Subject Matter Specialist Pi Zosangliani varte, Pu Timothy Lalrinfela (Soil Sc.) leh Pu Senjit Singh (Agronomy) te he Seminar-ah an tel a. Kumin thupuiah 'Take it to the farmers - The farmers right through awareness' tih hman a ni a, India rampum atangin KVK Zone zawng zawng aiawhte an tel bakah loneitu engemawzat pawh he Seminar-ah sawm niin zirtirna pek an ni.