2566/2024-2025

Khawzawl, dated 17th October, 2024: Vawiin khan KVK Champhai District, Khawzawl leh Mizoram University, Aizawl tang kawp chuan Bio-Tech Kisan Hub Project hnuaiah Chawngtlai khuaa kuthnathawktu mi 52 hnenah “Medicinal and Aromatic Plant Bio-resources for Rural Prosperity in Mizoram” tih thupui hmangin training an pe.

Training hi Dr. Malsawmkimi, Senior Scientist & Head, KVK Khawzawl-in kaihhruaiin, Dr. Rambir Singh, Head, Department of Horticulture, Aromatic and Medicinal Plants, Mizoram University, Aizawl in kuthnathawktu lo kal khawmte hnenah zirtirna a pe. 

Dr. Rambir Singh hian kuthnathawktute hnenah hian Mizorama Ramhmul damdawi leh rimtui atana hman chi thlai kan neihte hman tangkai leh humhalh an tul zia sawiin, a chin dan, an tangkaina leh hralh chhuah theihna kawng hrang hrangte a hrilh a. Tunlai thiamna thar zawk te hmang tangkai a nasa zawka hma la tur leh uluk taka enkawl a, hlawkpui tham tura chin belh turin training a lo kalte a fuih a ni.

Kuthnathawktu lo kalkhawmte hian ICAR- IIHR (Indian Institute of Horticultural Research), Bangalore atangin thlai chi 8 leh Biotech Kisan Hub Project, Mizoram University hnuai atangin thlai natna leh rannung laka venna hmanrua an dawng a ni.