2565/2024-2025
Dated: Mamit the 17th of October, 2024: Tun hnaiah kawngchhiat leh Tuialhthei man tihsan chhuanlam a, mipui phur chi lirthei chuan man tisang an awm ni a hriat a ni a, Tuna lirthei chuan man (fare) kan hman mek hi Dt. 12.3.2024 atanga hman tan chauh a ni a, thla 7 vel chauh hman ala ni. Lirthei chuan man hi State Transport Authority, Mizoram in system mumal tak nen hunbi neiin revision a kalpui thin a, mipui tana rit lo tur leh lirthei neitute tan pawha na lo turin a bithliah thin a ni.
State Transport Authority, Mizoram hnena passenger phur chi lirthei permit diltute hian permit dilna form-ah sawrkarin chuan man a bitliahte zawm turin an in tiam vek a, sawrkar thu zawm turin hming an ziah hnan (sign) vek bawk a ni.
Chuvangin mipuite sawrkar approved rate anga lirthei te hmang/ chuang tura ngen leh hriattir kan ni a, sawrkar rate zawmlo emaw sawrkar duh loh dana hma la an awm a nih chuan an permit cancel thleng a hmalak theih a ni.
